جيىندا مينيسترلىكتىڭ 2017 جىلعى اتقارعان جۇمىستارى مەن بيىلعى جوسپارلارى تانىستىرىلدى.
"2017 جىل اقپارات جانە كوممۋنيكاتسيالار مينيسترلىگى ءۇشىن ءتۇرلى جاڭالىققا تولى بولدى. مەملەكەت باسشىسى ءبىزدىڭ الدىمىزعا قويعان بارلىق تاپسىرمانى جۇزەگە اسىرۋعا كىرىستىك. ءبىر جىلدىڭ ىشىندە جوسپارداعى شارۋالاردى تولىق اتقاردىق دەگەن ويدامىن. ولاردىڭ اراسىندا اقپارات سالاسى, بايلانىس, اقپاراتتاندىرۋ مەن مەملەكەتتىك قىزمەت باعىتتارى بار. سونىمەن قاتار اقپارات جانە كوممۋنيكاتسيا بويىنشا زاڭ جوباسىنا تۇزەتۋلەر ەنگىزىلدى. ەڭ باستىسى بيىل "تسيفرلىق قازاقستان" مەملەكەتتىك باعدارلاماسى قابىلداندى", دەگەن مينيستر مينيسترلىك اتىنان پرەزيدەنت اكىمشىلىگى مەن پارلامەنت ءماجىلىسىنىڭ, ۇكىمەتتىڭ وكىلدەرىنە, ۆەدومستۆولىق ۇيىمدار مەن ازاماتتىق سەكتورعا العىس ايتتى.
ودان بولەك, مەملەكەتتىك اقپاراتتىق جۇمىسىن جۇزەگە اسىراتىن جاڭا جۇيە بىرىڭعاي مەديا-جوسپاردىڭ قابىلدانعانىن, وسىنىڭ ارقاسىندا ماقساتتى اۋديتوريانىڭ سۇرانىستارىنا نازار اۋدارىلعانىن اتاپ ءوتتى.
ايا ءومىرتاي,
"ەگەمەن قازاقستان"
