تاۋەلسىزدىككە توم-توم تارتۋ

ءۇش ءجۇز جىل اڭساعان تاۋەل­سىزدىگىمىزدىڭ 20 جىلدىعىن اتاپ وتۋگە دە ساناۋلى كۇندەر قالدى. وسى قاسيەتىمىزدى قاستەرلەۋ ىسىنە جەكە ادامنان باستاپ, ۇجىمداسقان ۇجىم­دار دا ءوز ۇلەستەرىن قوسۋدا. سونىڭ ءبىر دالەلىندەي, ەلورداداعى ۇلتتىق اكادەميالىق كىتاپحانادا مەملەكەت تاريحى ينستيتۋتىنىڭ ۇيىتقى بو­لۋىمەن كىتاپ كورمەسى بولدى. مەملەكەت تاريحى ينستيتۋتى ەلباسى نۇرسۇلتان نازارباەۆتىڭ قولداۋىمەن وسىدان 3 جىل بۇرىن شاڭىراق كوتەرگەن ەدى. اتاۋلى ۋاقىتتان بەرى بۇل مەكەمە 30-عا    تاياۋ ەڭبەكتى جارىققا شىعارىپتى. ال تاۋەلسىزدىكتىڭ 20 جىلدىعىنا 24 كىتاپتى جوسپارلاسا, سونىڭ ال­عاش­قى 10 تومى جارىق كورىپتى. سول كىتاپتاردىڭ تۇساۋكەسەر راسىمىندە جاڭا كوزقاراسپەن ەلدىك تۇرعىدا جازىلعان رۋحاني قۇندىلىقتاردىڭ ارقاۋى اڭگىمە بولدى. جارىققا شىق­قان عىلىمي دۇنيەلەردىڭ قاتا­رىندا «قازاق حاندىعى تاريحى: قۇرىلۋى, ورلەۋى, قۇلدىراۋى», «نوۆەيشايا يستوريا كازاحستانا: كريزيس ي راسپاد سوۆەتسكوي سيستەمى, ءى توم», «نوۆەيشايا يستوريا كازاحستانا: ۆىحود يز كريزيسا, ءىى توم», «نوۆەيشايا يستوريا كازاحستانا: ۋستويچي­ۆىي كازاحستان, ءىىى توم», «نەزاۆيسي­مىي كازاحستان ي ليدەر ناتسي», «تاۋەلسىز قازاقستان مادەنيەتى: جىلناما قۇجاتتارى», «تاۋەلسىز قا­زاقستان تاريحىن زەرتتەۋدىڭ وزەك­تى ماسەلەلەرى. وقيعالار حروني­كاسى», تاعى باسقا ەڭبەكتەر بار. بۇل كىتاپتاردا قازاق مەملەكەتىنىڭ قا­لىپتاسۋى مەن دامۋىنىڭ كەزەڭدەرى, قازىرگى قوعامدىق-ساياسي, الەۋمەتتىك-ەكونوميكالىق ۇردىستەر باياندالعان. تۇساۋكەسەر راسىمىندە مەملەكەت تاريحى ينستيتۋتىنىڭ ديرەكتورى ب.اياعان, ساياساتكەر ك.بۇرحانوۆ, تا­ريحشى ا.قاشقىنباەۆ سويلەپ, ءتا­ۋەلسىز ەلىمىزدىڭ تاريحىنا قوسىلعان تىڭ تۋىندىلار تۋرالى ءوز بايلام-پايىم دارىن ايتتى. سۇلەيمەن مامەت.