قاسيەتتى جەردەن قۋات الدى

وڭتۇستىك قازاقستان وبلىسىندا «نۇر وتان» حالىقتىق-دەموكراتيالىق پارتياسى وبلىستىق فيليالى ساياسي كەڭەسىنىڭ كەڭەيتىلگەن وتىرىسى ءوتىپ, وعان پارتيا توراعاسىنىڭ ءبىرىنشى ورىنباسارى نۇرلان نىعماتۋلين قاتىستى. ساياسي كەڭەس وتىرىسىندا پار­تيانىڭ الداعى پارلامەنت ءما­جى­لىسى مەن جەرگىلىكتى ءماسليحاتتار سايلاۋى بويىنشا ءىس-قيمىل جوس­پا­رى, سايلاۋالدى تۇعىرناما جوباسى تالقىلانىپ, XIV سەزد دەلەگات­تارى سايلاندى. «شىرايلى وڭتۇستىك» اتانعان ەلىمىزدىڭ وڭتۇستىگى, ۇلى عۇلامالار دۇنيەگە كەلگەن, تالاي تالانتتاردى قاناتتاندىرعان, قازاق ءداستۇرىنىڭ قايماعىن ساقتاعان ەلىمىزدەگى ەڭ ىرگەلى دە قاسيەتتى جەر. بۇل قازاق­تار­دىڭ ۇلتتىق رۋحانياتىنىڭ اسا ما­ڭىزدى ورتالىقتارى ارىستان باب­تىڭ, قوجا احمەت ءياساۋيدىڭ كەسەنەلەرى ورنالاسقان, بۇكىل ەلىمىزدىڭ مادەني استاناسى اتانعان كيەلى تۇركىستان. سوندىقتان وتىرىستا ءسوز العاندار «نۇر وتان» پارتيا­سىنىڭ جاۋاپتى ناۋقان الدىنداعى العاشقى ساپارىن وسى جەردەن باس­تاعاندارىن ورىندى قادام دەپ با­عالادى. بۇل «نۇر وتان» پارتياسىنىڭ ەلدىكتى, ۇلتتىق مۇددەنى, بەرەكە-ءبىر­لىكتى, ىنتىماقتى بارىنەن جو­عا­رى قوياتىن شىن مانىندەگى حالىق­تىق پارتيا ەكەندىگىنىڭ باستى بەلگىسى بولسا كەرەك. سوندىقتان الداعى سايلاۋدا ەلىن, جەرىن قۇرمەتتەيتىن ءاربىر ازاماتتىڭ تاڭداۋى «نۇر وتان» پارتياسى بولۋى ءتيىس. پارتيا توراعاسىنىڭ ءبىرىنشى ورىنباسارى نۇرلان نىعماتۋلين: «ءبىز ەلباسىمىز, پارتيامىزدىڭ ءتور­اعاسى نۇرسۇلتان ءابىش ۇلى نا­زارباەۆتىڭ ستراتەگيالىق مىندەتتەرىن ورىنداۋدىڭ ارقاسىندا بۇكىل حالىق بىلەتىن, ەل سەنىمىن اقتاعان, ەلىمىزدەگى ەڭ ءىرى ساياسي كۇشكە اي­نالدىق. سوندىقتان ءبىزدىڭ بۇل جولعى باستى ماقساتىمىز –سايلاۋدا پارتيامىزدىڭ ءادىل ءارى شىنايى جەڭىسىن قامتاماسىز ەتۋ. سەبەبى, ءبىزدىڭ سايلاۋالدى تۇعىرنامامىز – ول بۇكىلحالىقتىق تۇعىرناما, ءبۇ­كىلحالىقتىق باعدارلاما», – دەدى. قازىرگى ۋاقىتتا وڭتۇستىك قا­زاق­ستان وبلىسى – الەۋمەتتىك-ەكو­نو­ميكالىق كورسەتكىشى جوعارى, جىل سايىن قارقىندى دامىپ كەلە جاتقان ەلىمىزدەگى ءىرى ورتالىق­تار­دىڭ ءبىرى. وبلىستا تۇرمىسى تومەن ازاماتتار سانى 30 پايىزعا دەيىن تومەندەپ, تەك بيىلعى جىلدىڭ وزىندە 17,6 مىڭ ادام جۇمىسقا ورنالاسىپ, الەۋمەتتىك جاردەماقى الاتىندار سانى 23 مىڭنان استى. ال, وسى جىلدىڭ سوڭىنا دەيىن 100-دەن استام جاڭا ءبىلىم نىساندارى مەن دەنساۋلىق ساقتاۋ ورىندارى ىسكە قوسىلماق. وبلىستىڭ وسىنداي ءىرى جەتىستىكتەرگە قول جەتكىزۋىنە 88 مىڭ مۇشەسى, 303 باستاۋىش ۇيىمى بار «نۇر وتان» پارتياسى وب­لىستىق فيليالىنىڭ قوسىپ وتىرعان ۇلەسى وتە زور. – پارتيامىزدىڭ ۇسىنىپ وتىر­عان سايلاۋالدى تۇعىرناماسىندا بارلىق سالاعا قولداۋ كورسەتۋ ءما­سەلەسى تولىق قاراستىرىلعان. ونىڭ بارلىعىنىڭ شەشىمىن تاباتىنىنا سەنەمىن. سەبەبى, ءبىز – ارقاشان ەل­با­سى, پارتيا توراعاسى نۇرسۇلتان ءابىش ۇلى نازارباەۆتىڭ ستراتە­گيا­لىق مىندەتتەرىن جۇزەگە اسىرۋ ارقىلى جىل سايىن ءوسىپ-وركەندەپ, ابىرويىمىز ارتىپ, قارقىندى دا­مىپ كەلە جاتقان ەلمىز. سون­دىق­تان, الداعى سايلاۋدا وبلىستىق كا­سىپوداق مۇشەلەرىنىڭ تەك «نۇر وتان» پارتياسى اتىنان تۇسكەن ۇمىتكەرلەردى قولداپ, پارتيانىڭ ماقساتىن جۇزەگە اسىرۋ ءۇشىن جان اياماي ەڭبەك ەتەتىنىنە سەنەمىن, - دەدى ءسوز العان وبلىستىق كاسىپوداقتار كەڭەسىنىڭ توراعاسى دوسىباي شەرىمقۇلوۆ. ال جاستار اتىنان ويىن ورتاعا سالعان سارىاعاش اۋداندىق جاستار وداعىنىڭ ديرەكتورى جادىرا ءجۇ­سىپ پارتيانىڭ سايلاۋالدى تۇعىر­نا­ماسىن ءبىر ادامداي قولداۋعا شاقىردى. ويتكەنى, بۇل – ءبىلىمدى دە بىلىكتى جاستاردى قولداۋ, ولارعا وڭ باعىت بەرۋ, جالىنداعان جاستاردىڭ ومىرلىك قاجەتتىلىگىن قامتاماسىز ەتۋ ماسەلەلەرىن كوزدەيتىن باع­دارلاما. جيىن سوڭىندا وبلىس اتىنان سەزگە قاتىساتىن دەلەگاتتار ساي­لانىپ, الدا اتقارىلاتىن جۇمىس جوسپارلارى بەكىتىلدى. ماڭىزدى شەشىمدەر قابىلداندى. ءدال وسى كۇنى رەسپۋبليكالىق شتابتىڭ مۇشەلەرى وتىرارداعى ارىستان باب پەن تۇركىستانداعى قوجا احمەت ياساۋي كەسەنەلەرىنە بارىپ, اتا-بابا رۋحىنا تاعزىم ەتتى. وڭتۇستىك قازاقستان وبلىسى.