ارىپتەستىك شاپاعاتى – بالدىرعاندار قامى

قاراعاندى وبلىستىق اكىمدى­گىن­دە مەملەكەتتىك-جەكەمەنشىك ءار­­­­ىپ­تەستىك شەڭبەرىندە بالاباقشا­لار قۇرىلىسىن جۇرگىزۋ جونىندە كونتسەسسيالىق كەلىسىم-شارتقا قول قويىلدى. وسىعان بايلانىستى راسىمدە وبلىس اكىمى سەرىك احمەتوۆ مەملەكەتتىك-جەكەمەنشىك ارىپتەستىگى ايماقتىق ورتالىعىنىڭ رەسپۋب­لي­كادا العاش رەت اشىلىپ وتىر­عان­دىعىن اتاپ ءوتتى. – تاڭداۋدىڭ مەكتەپكە دەيىنگى ءبىلىم بەرۋ سالاسىنداعى جوبانى جۇزەگە اسىرۋعا تۇسكەنى جايدان-جاي ەمەس. ەلباسىنىڭ بالاباق­شا­لارداعى ورىننىڭ جەتىسپەۋشىلىگى ماسەلەسىن شەشۋ تاپسىرماسىنا بايلانىستى ولاردىڭ قۇرىلىسىن كەڭ كولەمدە ءارى جەدەلدەتە ءجۇر­گى­زۋ ءۇشىن مەملەكەتتىك-جەكەمەنشىك ارىپتەستىك كونتسەسسيا اتالاتىن مە­حانيزمىن قولدانۋدى ءجون كور­دىك. وسىناۋ كەلىسىم «قازاقستان رەسپۋبليكاسىنداعى كونتسەسسيالار تۋرالى» زاڭنىڭ قابىلدان­عان­نان بەرگى ۋاقىتتاعى الەۋمەت­تىك سالاداعى قول قويىلعان ءبىرىنشى قۇجات, – دەدى ول. كەلىسىم-شارتقا وبلىستىق ءبىلىم بەرۋ باسقارماسىنىڭ باستىعى ەس­ەن­عازى يمانعاليەۆ پەن اشىق كون­كۋرستا جەڭىمپاز بولعان ءتۇ­رىك­­تىڭ «7 Piramit» كومپانياسىنىڭ باس­شى­سى ولۋ مۇستافا مىرزا قول قويدى. كونتسەسسيالىق جوبانىڭ جال­پى قۇنى 6 ملرد. تەڭگە شاما­سىن­دا. ونى ىسكە اسىرۋ بارىسىندا قارا­عاندى قالاسىندا ارقايسىسى 320 ورىندىق 11 بالاباقشا سا­لى­ناتىن بولادى. بۇل – 3 پەن 6 جاس ارا­لىعىنداعى بالالار ءۇشىن قو­سىم­شا 3 520 ورىن اشىلادى دەگەن ءسوز. كەلىسىمنىڭ قولدانىلۋ مەرزىمى – 14 جىل. سوعان سايكەس كونتسەسسيونەر 11 بالاباقشانىڭ قۇرىلى­سىن كەلەسى جىلى اياقتاۋعا ءتيىس. 2025 جىلعا دەيىن وسى عيمارات­تار­دى تەحنيكالىق جاعىنان قام­تا­ماسىز ەتەدى. ال ءبىلىم بەرۋ باس­قارماسى جالپى مەملەكەتتىك ستاندارتتار نەگىزىندە ءبىلىم مەن ءتار­بيە بەرۋ ءۇردىسىن جۇزەگە اسىرادى. سالىنعان ينۆەستيتسيا جەرگىلىكتى بيۋدجەت پەن اتا-انالاردىڭ تولەم­اقىسى ەسەبىنەن بىرتىندەپ قايتا­رى­لادى. بۇل جوبا ەلىمىزدەگى مەملەكەتتىك-جەكەمەنشىك ارىپتەستىگىن دا­مى­تا تۇسۋگە جاڭاشا سەرپىن بەرەدى. ايقىن نەسىپباي, قاراعاندى.