ولاردىڭ اراسىندا قازاقستان بويىنشا «Total» كومپانياسىنىڭ ۆيتسە-پرەزيدەنتى تەرري دارريگران, «DV» كونسالتينگتىك كومپانياسىنىڭ پرەزيدەنتى دەنني ۆەررە جانە «MEDEF International» قاۋىمداستىعىنىڭ ديرەكتورى جەرالدين لامبلە بولدى.
كەزدەسۋ بارىسىندا قازاقستان مەن فرانتسيا مۇددەلەرىن قيىستىرۋ پريزماسى ارقىلى مەملەكەت باسشىسى جولداۋىنىڭ نەگىزگى باعىتتارى تالقىلاندى. تاراپتار, اسىرەسە, ەكونوميكانى تسيفرلاندىرۋ, اگروونەركاسىپتىك كەشەن, لوگيستيكالىق ينفراقۇرىلىم, «سمارت سيتي» سالالارى جانە ءبىلىم بەرۋ باعدارلامالارىندا ەكىجاقتى ىنتىماقتاستىقتى تەرەڭدەتۋدىڭ زور الەۋەتىن اتاپ ءوتتى.
جولداۋدىڭ ءماتىنى ىسكەرلىك كەڭەس حاتشىلىعى مەن كاسىپكەرلىك قاۋىمداستىعىنا كىرەتىن بارلىق فرانتسۋز كومپانيالارىنا تالداۋ جانە قازاقستاننىڭ جاڭا ماقساتتارى مەن مىندەتتەرىنە سايكەس كەلەتىن جوبالارعا قاتىسۋ بويىنشا ناقتى ۇسىنىستار ازىرلەۋ ءۇشىن تاراتىلاتىن بولادى.
تالقىلاۋدىڭ قورىتىندىسى بويىنشا ج. لامبلە «MEDEF» الاڭىندا قازاقستانمەن ىنتىماقتاستىققا مۇددەلى ورتا بيزنەس وكىلدەرىمەن دوڭگەلەك ۇستەل ۇيىمداستىرۋدى ۇسىندى. تاراپتار, سونداي-اق بيزنەس-احۋالدى جەتىلدىرۋ بويىنشا كەڭەس حاتشىلىعىمەن ينۆەستورلاردىڭ ۇسىنىستارىن دايىنداۋ تاجىريبەسىن جالعاستىرۋعا كەلىستى.
«ەگەمەن-اقپارات»
