سەمەي زاۋىتى جاڭعىرتىلماق

«قازاقستان ينجينيرينگ» ۇلتتىق كومپانياسى» اق ءوزىنىڭ ەنشىلەس كاسىپورنى «سەمەي ينجينيرنگ» اق-قا شامامەن 2 ملرد. تەڭگەگە ينۆەستيتسيا سالدى. بۇل قاراجات قولدا بار ءوندىرىس الاڭدارىن قايتا جوندەۋ مەن قازىرگى زامانعى جابدىقتاردى ورناتا وتىرىپ ءوندىرىستى جاڭعىرتۋعا باعىتتالماق. اتالعان شارالار يمپورتتتىق قۇراستىرۋ بۇيىمدارىنا دەگەن تاۋەلدىلىكتى 50 پايىزعا دەيىن تومەندەتۋ مەن زاۋىتتان شىعاتىن ونىمدەردىڭ قۇنىن ايتارلىقتاي ازايتۋعا ءارى قازاقستاندىق مازمۇننىڭ ۇلەسىن 80 پايىزعا دەيىن ارتتىرۋعا مۇمكىندىك بەرەدى ەكەن. سونىمەن قاتار «قازاقستان ينجينيرينگ » اق پرەزيدەنتى بولات سماعۇلوۆ ەكى جۇزدەن استام جوعارى بىلىكتى مامانداردى جۇمىسپەن قامتۋعا جاعداي تۋاتىندىعىن ايتادى. زاۋىت اعىمداعى جىلدىڭ مامىر ايىنا دەيىن داعدارىس سالدارىن سەزىنىپ, كاسىپورىننىڭ بيۋدجەت جانە جەكە ۇيىمدار, سونىمەن قاتار جۇمىسشىلار الدىندا ەڭبەكاقى تولەمى بويىنشا بەرەشەگى بولعان. بۇگىنگى تاڭدا قورعانىس مينيسترلىگىنىڭ, «سامۇرىق- قازىنا» ۇاق» اق پەن «قازاقستان ينجينيرينگ» ۇك» اق-تىڭ بەلسەندى قولداۋىنىڭ ارقاسىندا قارجىلىق پروبلەمالار ءوز شەشىمىن تاپقان. بۇدان ءارى ۋكراينا مەن رەسەيدىڭ ءوندىرۋشى زاۋىتتارىمەن قوسالقى بولشەكتەردى, جيناقتامالار مەن جابدىقتاردى جەتكىزۋ بويىنشا جاڭا كەلىسىم-شارتتار جاسالۋدا. قازىردىڭ وزىندە اۋىر برونەتانك تەحنيكالارىن كۇردەلى جوندەۋ جونىندەگى تەحنولوگيالىق جەلىلەردىڭ العاشقىسى جەتكىزىلۋ ۇستىندە. كەلەسى جەلىلەر بيىلعى جىلدىڭ جەلتوقسانىندا جۇزەگە اسىرىلاتىن بولسا, بۇل ءوز كەزەگىندە تەك جوندەۋ عانا ەمەس, سول سياقتى برونەتانك تەحنيكالارىن جاڭعىرتۋ بولىپ تابىلادى. ءابدىراحمان قىدىربەك.