«جاڭا سالىق كودەكسى قابىلداندى. اعىمداعى جىلدىڭ 1 قاڭتارىنان باستاپ جاڭا سالىق كودەكسى قولدانىلادى. بۇل سالىق كودەكسىنىڭ ءۇشىنشىسى. العاشقى كودەكس 2001 جىلى قابىلداندى. ەكىنشىسى 8 جىلدان كەيىن, ياعني 2009 جىلى, ال 9 جىلدان كەيىن جاڭا سالىق كودەكسى كۇشىنە ەندى. وندا قانداي وزگەرىس بار جانە الدىڭعى ەكى كودەكستەن ايىرماشىلىعى قانداي؟ ءبىرىنشى كودەكستە نورمالار جۇيەلەندى, ەكىنشىسى سالىقتىق جۇكتەمەنى تومەندەتتى, ءۇشىنشى كودەكستىڭ مىندەتى يدەولوگيانى وزگەرتۋ جانە جەڭىلدەتۋ بولىپ تابىلادى. جالپى العاندا, جاڭا سالىق كودەكسى يدەولوگيانى وزگەرتۋدى, ىنتالاندىرۋدى ەنگىزۋدى جانە اكىمشىلەندىرۋدى جەڭىلدەتۋدى كوزدەيدى. سونىمەن قاتار سالىق تولەۋشىلەردى قورعاۋعا باعىتتالعان, ەكونوميكانىڭ ءتۇرلى سالالارىن ىنتالاندىرۋعا, اكىمشىلەندىرۋدى جەڭىلدەتۋگە جانە دە سالىقتى ءوز بەتىنشە تولەۋگە ىقپال ەتەدى. مىسالى, ەگەر كولىك ۇرلانسا, يەسى كولىك سالىعىن تولەۋدى جالعاستىرمايدى. ىزدەۋلەر ۇزاق ۋاقىتقا سوزىلادى, ءبىر جىل جانە ەكى نەمەسە ودان دا كوپ. بۇعان دەيىن يەسى تىركەلىمنەن شىعارىلعانعا دەيىن سالىقتى تولەدى, ەندى ول قاجەت ەمەس. جىلجىمايتىن م ۇلىك سالىعى, جەر سالىعى ەندى جىلدىڭ اياعىندا تولەنۋى ءتيىس. مىسالعا, 2017 جىلعى سالىقتى 2018 جىلدىڭ 1 قازانىنا دەيىن تولەۋگە تۋرا كەلەدى», دەدى رۋسلان دالەنوۆ.
سونىمەن قاتار ول جاڭا يدەولوگيا, ىنتالاندىرۋلار مەن اكىمشىلەندىرۋدىڭ جاڭا ادىستەرى ساپالى جاقسارتۋلاردىڭ نەگىزىن قالىپتاستىراتىنىن العا تارتتى.
«سالىقتىق جاڭاشىلدىقتى ەنگىزۋ ارقىلى سالىقتىق داۋلار ازايادى, تەكسەرۋلەردىڭ سانى تومەندەيدى, اكىمشىلەندىرۋ جەڭىلدەيدى. شيكىزات وڭدەۋ ىنتالاندىرۋعا يە بولادى, نەسيەلەۋگە قولداۋ جاسالادى, اوك جانە شوب قولايلى رەجىمگە يە بولادى. سالىقتىق ساياسات تۇتاس العاندا ايقىن ءارى تۇسىنىكتى بولادى», دەدى ر.دالەنوۆ.
راۋان قايدار,
«ەگەمەن قازاقستان»
