ايگۇل شايموۆا فاكتورلى-بالدىق شكالا نەگىزىندەگى مەملەكەتتىك قىزمەتكەرلەردىڭ لاۋازىمدىق قىزمەتاقىلارىن قۇرۋ جانە بونۋستار جۇيەسى, بۇرىن تاجىريبەدە قولدانىلعان جۇيەدەن جاڭا جۇيەنىڭ نەگىزگى ايىرماشىلىقتارى, مەملەكەتتىك قىزمەتكەرلەر ەڭبەگىنىڭ ناتيجەلەرى قالاي جانە قانداي ولشەمدەر بويىنشا باعالاناتىنى تۋرالى حابارلادى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلى عانيجان اسان ۇلى جاڭادان ەنگىزىلىپ جاتقان ەڭبەكاقى تولەۋ جۇيەسى تۋرالى كەڭىنەن باياندادى.
«جاڭادان ەنگىزىلىپ جاتقان ەڭبەكاقى تولەۋ جۇيەسى نەگىزگى ەكى بولىكتەن تۇرادى. ءبىرىنشىسى, تۇراقتى تۇردە الىپ وتىراتىن جالاقى, سونىمەن قاتار جىل سوڭىندا ونىڭ ناتيجەسىنە بايلانىستى الاتىن بونۋستار. بونۋسقا كەلەتىن بولساق, بۇل نەگە جىلدىڭ سوڭىندا؟ ءاربىر مەملەكەتتىك ورگاننىڭ الدىندا جىل باسىندا ستراتەگيالىق مىندەتتەر, ماقساتتار قويىلادى. ەگەر مەملەكەتتىك ورگان جىل سوڭىنا قاراي قانداي دا ءبىر ستراتەگيالىق مىندەتكە جەتە الماسا نەمەسە ونىڭ قىزمەتى كەرىسىنشە ءتيىمدى بولىپ تابىلماسا, وندا تەك مەملەكەتتىك ورگاننىڭ باسشىسى عانا ەمەس, سونىمەن قاتار قىزمەتكەرلەرگە دە جاۋاپكەرشىلىك تۇسەدى. سەبەبى كۇندەلىكتى ومىردە مەملەكەتتىك ورگان الدىندا تۇرعان مىندەتتەرگە قىزمەتشىلەردىڭ دە تىكەلەي اسەرى بار. تيىسىنشە ءاربىر قىزمەتشى جىل سوڭىندا بەلگىلى ءبىر بونۋسقا قول جەتكىزگىسى كەلسە, ول ءوزىنىڭ قىزمەت تيىمدىلىگىن, سونىمەن قاتار جۇمىسقا دەگەن جاۋاپكەرشىلىگىن ارتتىرادى. جانە دە بونۋستىڭ ەنگىزىلۋى ەڭ الدىمەن, باسەكەلەستىك تۋدىرادى. باسەكەلەستىك بار جەردە ساپانىڭ ارتاتىنى ايقىن», دەدى ول.
