استانا قالاسى اكىمى اسەت يسەكەشەۆتىڭ تاپسىرماسىمەن قالانى ەنەرگەتيكامەن قامتۋعا جاۋاپتى سالا باسشىلارى كۇننىڭ سۋىتۋىنا وراي ەنەرگەتيكالىق كەشەننىڭ دايىندىعىن تەكسەرۋ ماقساتىندا جينالىس وتكىزدى.
اتاپ وتسەك, قالانى ەلەكتر ەنەرگياسىمەن ۇزدىكسىز قامتاماسىز ەتىپ وتىرعان قوسالقى ستانتسيالار, سونىڭ ىشىندە «شۇبار» ستانتسياسى, «استانا رەك» اق ورتالىق ديسپەتچەرلىك بولىمشەسى ەلەكتر جۇيەسىنىڭ جۇمىسى تەكسەرىلدى.
جيىندا ەنەرگەتيكالىق كەشەندەردىڭ باسشىلارى دايىندىق جۇمىستارىنىڭ بارىسى تۋرالى باياندادى. كۇن تارتىبىندە تاۋلىك بويى كەزەكشىلىك قويۋ, ەلەكتر جۇيەلەرىنىڭ جۇمىسىن 10 پايىزعا, جەدەل بريگادا جۇمىسىن ەكى ەسەگە ارتتىرۋ ماسەلەلەرى قارالدى.
سونداي-اق, اياز كەزىندە جاۋاپتى مامانداردىڭ تاۋلىك بويى كەزەكشىلىك جۇمىسىنىڭ كەستەسى جاسالىنىپ, جەو-2 ء–نىڭ دايىندىعى دا تەكسەرىلدى.
قازىرگى ۋاقىتتا قالامىزدا 30 تاۋلىككە جەتەتىن كومىر قورى مەن 15 كۇنگە جەتەتىن مازۋت وتىنى بار.
