«كۇن سايىن, تاڭعى ساعات 06.00-دە ءبىرىنشى اۋىسىم ءۇشىن (ەكىنشى اۋىسىم ءۇشىن ساعات 12.00-دە) جاۋاپتى قىزمەتكەر «قازگيدرومەت» رمك-ءنىڭ كەزەكشىسىمەن بايلانىسقا شىعىپ, استاناداعى الداعى ءۇش ساعاتقا ارنالعان ناقتى اۋا تەمپەراتۋراسى تۋرالى مالىمەتتەردى الادى. الىنعان مالىمەتتەر باسشىلىققا جەتكىزىلەدى. باسشىلىق ءوز كەزەگىندە ساباقتاردىڭ وتكىزىلمەۋىن حابارلاۋ نەمەسە وقۋ پروتسەسىن ەش وزگەرىسسىز ۇيىمداستىرۋ جونىندە شەشىم شىعارادى. ساباقتاردىڭ وتكىزىلمەيتىندىگى تۋرالى شەشىم شىعارىلعان جاعدايدا, جاۋاپتى قىزمەت بۇل اقپاراتتى استانا قالالىق تجد-نىڭ جەدەل كەزەكشىسىنە, قالالىق مونيتورينگ جانە جەدەل ارەكەت ەتۋ ورتالىعىنىڭ (109 قىزمەتى) وپەراتورىنا, استانا قالاسى اكىمىنىڭ قابىلداۋ بولمەسىنە جىبەرەدى», - دەلىنگەن ءبىلىم باسقارماسى فەيسبۋكتە جاريالاعان ينفوگرافيكادا.
بۇدان كەيىن, ساعات 06.15-تەن باستاپ (ەكىنشى اۋىسىم ءۇشىن ساعات 12.15-تەن باستاپ) اقپارات استانا قالاسى اكىمدىگىنىڭ رەسمي ينتەرنەت-رەسۋرسىندا, استانا قالالىق ءبىلىم باسقارماسىنىڭ فەيسبۋك الەۋمەتتىك جەلىسىندەگى پاراقشاسىندا جاريالانادى. سونىمەن قاتار, قالا تۇرعىندارى مەن قوناقتارىن حاباردار ەتۋ ماقساتىندا اقپارات مەكتەپ باسشىلىعىنا, مەسسەندجەرلەر ارقىلى بۇقارالىق اقپارات قۇرالدارىنا بەرىلەدى.
«ساباق وتكىزىلمەيتىن كۇنى وقۋشىلار مەكتەپكە كەلگەن جاعدايدا ءبىلىم ورداسىنىڭ باسشىلىعى ساباقتىڭ كەستەگە سايكەس ءوتۋىن قامتاماسىز ەتەدى (الايدا, باقىلاۋ جۇمىستارى وتكىزىلمەيدى, پاندەر بويىنشا جاڭا تاقىرىپتار تۇسىندىرىلمەيدى). ساباقتار اياقتالعان سوڭ سىنىپ جەتەكشىلەرى وقۋشىلاردىڭ ۇيلەرىنە اتا-اناسىمەن (زاڭدى وكىلدەرىمەن) بىرگە قايتقانىنا كوز جەتكىزۋى كەرەك. اتا-انالارعا مەتەومالىمەتتەرگە, ينتەرنەت-قوسىمشالار مەن رەسمي ەمەس وزگە دەرەككوزدەردەن الىنعان اقپاراتتارعا نازار اۋدارماۋعا كەڭەس بەرىلەدى», - دەلىنگەن ينفوگرافيكادا.
ساباقتاردىڭ وتكىزىلمەيتىندىگى تۋرالى رەسمي اقپاراتتى كەلەسى دەرەككوزدەردەن بىلۋگە بولادى:
1. «109» ءنومىرى (ۇيالى تەلەفونداردان قوڭىراۋ شالۋ تەگىن);
2. استانا قالالىق ءبىلىم باسقارماسىنىڭ ينتەرنەت-رەسۋرسى (bilim.astana.kz);
3. استانا قالالىق ءبىلىم باسقارماسىنىڭ فەيسبۋكتەگى پاراقشاسى (Facebook.com/bilimastana);
4. Smart Astana قوسىمشاسى.
