نيۋ-يورك, بوستون, فيلادەلفيا مەن اقش-تىڭ باسقا دا قالالارىنان كەلگەن قازاقستاندىق جاستار وقۋ كەستەلەرى بويىنشا جوسپار قۇرىپ, بۇۇ-نىڭ اككرەدەتاتسياسىنان وتكەن. وسىلايشا, ستۋدەنتتەر 18 قاڭتار كۇنى «جاپپاي قىرىپ-جوياتىن قارۋدى تاراتپاۋ: سەنىم شارالارى» وتىرىسىنىڭ قاتىسۋشىسى بولدى.
وڭتۇستىك كاليفورنيا (اقش-تىڭ باتىس جاعالاۋىنداعى لوس-انجەلەس قالاسى) ۋنيۆەرسيتەتىنىڭ 2-كۋرسىنىڭ ماگيسترانتى مۇعزار سانات ۇلى تاريحي وقيعانىڭ كۋاگەرى بولۋ ءۇشىن 4 مىڭ شاقىرىمدىق قاشىقتىقتاعى قالادان ارنايى كەلگەن.
«بولاشاق ستۋدەنتتەرىنە بۇۇ قك-ءنىڭ تاقىرىپتىق دەباتىنا قاتىسۋ بويىنشا بىرەگەي مۇمكىندىك تۋدى. مەن مۇنداي دارەجەدەگى وتىرىسقا ءبىرىنشى رەت قاتىسىپ وتىرمىن. قاۋىپسىزدىك كەڭەسىنە مۇشە ەلدەردىڭ ءاربىر وكىلى قازاقستان تۋرالى جىلى سويلەپ, مەنىڭ ەلىمدى پراگماتيكالىق جانە بەيبىتشىلىككە دەن قويعان مەملەكەت دەپ اتادى. وسىنداي وتىرىستى تىكەلەي كورۋ ەرەكشە سەزىمدى ۇيالاتادى. بۇل شارادا بۇكىل عالامداعى انتيادرولىق قوزعالىسقا قازاقستان ءوزىنىڭ ۇلەسىن قوسا ءبىلدى دەپ ەسەپتەيمىن», - دەيدى ول.
ەسكە سالا كەتسەك, بۇۇ قاۋىپسىزدىك كەڭەسىندە وتىرىستىڭ «جاپپاي قىرىپ-جوياتىن قارۋدى تاراتپاۋ: سەنىم شارالارى» اتتى تاقىرىبىن قازاقستان ۇسىنعان بولاتىن. بۇل ۇسىنىستى كەڭەستىڭ بارلىق مۇشەلەرى قولداعان. دەبات بارىسىندا جاپپاي قىرىپ-جويۋعا ارنالعان قارۋلاردى تاراتپاۋ جولدارى تالقىلاندى. وتىرىسقا پولشا پرەزيدەنتى اندجەي دۋدا, بۇۇ باس حاتشىسى انتونيۋ گۋتتەريش, رف سىرتقى ىستەر ءمينيسترى سەرگەي لاۆروۆ جانە وزگەلەر قاتىستى.
