كەڭەستە 2017 جىلدىڭ قورىتىندىسى بەلگىلى بولىپ, پروبلەمالى نىساندارعا قاتىستى ماسەلەلەر كوتەرىلدى.
مەم لەكەتتىك ارحيتەكتۋرالىق-قۇرىلىس باقىلاۋ باسقارماسىنىڭ باسشىسى تولەگەن ق ۇلىشەۆ وتكەن جىلى جۇرگىزىلگەن جۇمىستىڭ ناتيجەلەرىنە توقتالعان بولاتىن.
ونىڭ دەرەكتەرىنشە 2015-2017 جىلدار ارالىعىندا قۇرىلىستىڭ ساپاسى ءبىرشاما جوعارىلاپ, سالىنىپ جاتقان عيماراتتاردىڭ ساپاسىنا قاتىستى تۇسكەن شاعىمدار ەداۋىر كەمىگەن.
«زاڭعا قايشى كەلەتىن قۇرىلىستىڭ جولى كەسىلگەننەن كەيىن ءوز ەركىمەن عيماراتتى سالۋ دەگەن دە جوعالدى. 2017 جىلى اكىمشىلىك جاۋاپكەرشىلىككە 655 سۋبەكت تارتىلدى. كەلتىرىلگەن زالال 114 173 568 تەڭگەنى قۇرادى. بۇگىنگە دەيىن 520 سۋبەكتەن 76 363 653 تەڭگە ءوندىرىلدى. اكىمشىلىك سوت ارقىلى جاۋاپكەرشىلىككە 460 سۋبەكت تارتىلىپ, 35 815 940 تەڭگە ءوندىرىلدى», - دەپ مالىمدەدى ت. ق ۇلىشەۆ.
ءوز سوزىندە ول سوڭعى ءۇش جىل ىشىندە باسقارۋدىڭ اكىمشىلىك تاجىريبەسى دە ارتا تۇسكەنىن اتاپ ءوتتى.
«ەگەر بۇرىن ءار جەتىنشى ءىستىڭ سوت پەن پروكۋراتۋرا كۇشىن جويسا, بۇگىن ونداي فاكت جوق. بۇدان بولەك, زاڭسىز قۇرىلىس بويىنشا پارمەندى سانكتسيالاردىڭ جوقتىعى سالدارىنان 2016 جىلى قۇرىلىستى زاڭسىز دەپ تانۋ جانە ونى ءسۇرۋ جونىندەگى شاعىمداردى ءتۇسىرۋ ءىسىنىڭ سوت تاجىريبەسى رەتتەلە باستالادى. بۇرىن سوتتار اكىمشىلىك تاجىريبەنىڭ نەگىزىندە مۇنداي شاعىمداردى قابىلدامايتىن», - دەدى ت. ق ۇلىشەۆ.
سپيكەردىڭ ايتۋىنا قاراعاندا, سوتتارعا جىل باسنىنان جەكە جانە زاڭدى تۇلعالارعا قاتىستى قۇرىلىستى ۋاقىتشا توقتاتۋ, نىسانداردى پايدالانۋ جانە قۇلاتۋ جونىندەگى 41 شاعىم تۇسكەن. ولاردىڭ ون التىسىن سوت قاناعاتتاندىرسا, جيىرماسى سوتتىڭ قاراۋىندا جاتىر.
2017 جىلدىڭ باسىنان ۆەدومستۆونىڭ ساۋلەت, قالا قۇرىلىسى جانە قۇرىلىس سالاسىن قامتيتىن جوبالاردى باسقارۋ بويىنشا مەكەمەنى اككرەديتاتسيالاۋ سياقتى قوسىمشا فۋنكتسياسى بار.
ء«ۇش جىلدىڭ ىشىندە باسقارما 3587 ليتسەنزيانى بەردى. ال 2017 جىلى 1654 قۇرىلىس ليتسەنزياسى بەرىلدى. قازىرگى تاڭدا جۇمىس ىستەپ تۇرعان كومپانيالاردىڭ كۆاليفيكاتسيالىق تالاپتارعا ساي كەلەتىندىگى تەكسەرىلىپ جاتىر. بىلىكتى مامانداردىڭ جۇمىس ىستەۋى, ارنايى جابدىقتارمەن, تەحنيكامەن جاراقتاندىرىلۋى نىساندار قۇرىلىسىنىڭ ساپاسىنا اسەر ەتەدى. وتكەن جىلى وسىنداي نەگىزدەگى 30 ليتسەنزيانىڭ كۇشى توقتاتىلدى», - دەپ اتاپ ءوتتى باسقارما باسشىسى.
اكىمدىك قاۋلىسىنىڭ نەگىزىندە اقپاندا جاڭادان «استانا قالاسى ورتاسىنىڭ باقىلاۋى مەن ساپاسى باسقارماسى» قۇرىلاتىن بولادى. اتالمىش ۆەدومستۆوعا مەم لەكەتتىك ارحيتەكتۋرالىق-قۇرىلىس باقىلاۋ باسقارماسىنىڭ فۋنكتسيالارى مەن وكىلەتتىكتەرى, ارحيتەكتۋرا, ەڭبەكتى قورعاۋ, تۇرعىن ءۇي ينسپەكتسياسى, ۆەتەريناريا ينسپەكتسياسىنا قاتىستى كەيبىر سۇراقتار, جەر قاتىناستارى باسقارماسىنىڭ باقىلاۋ-قاداعالاۋ فۋنكتسيالارى بەرىلەدى. الداعى ۋاقىتتا قۇرىلىس جۇمىستارى ءجۇرىپ جاتقان نىسانداردى تەكسەرۋ كەزىندە سۇراقتار كەشەندى تۇردە قامتىلاتىن بولادى.
ينسپەكتور قر زاڭناماسىنىڭ ارحيتەكتۋرالىق-قۇرىلىس, تۇرعىن ءۇي زاڭناماسى, ەڭبەكتى قورعاۋ, جەر زاڭناماسى جانە ت.ب. تۇرعىسىندا ساقتالۋىن تەكسەرەتىن بولادى.
سونداي-اق پروبلەمالى نىساندارمەن جۇمىس بويىنشا باسقارمانىڭ قولداۋىمەن ۆاك-نىڭ جۇمىسى اياسىندا 100-دەن استام نىساننىڭ قۇرىلىسى اياقتالدى.
اتقارىلعان جۇمىستاردىڭ ناتيجەسىندە باسپانانىڭ 380 مىڭ شارشى مەترى پايدالانۋعا بەرىلىپ, 6370 ادام قونىس تويىن تويلادى.
تولەگەن ق ۇلىشەۆ قۇرىلىسقا ۇلەسكەرلىكپەن قاتىسۋدىڭ نەگىزگى پروبلەمالارىنا دا توقتالىپ ءوتتى.
ونىڭ ويىنشا, ءتيىستى رۇقسات حاتىنسىز ۇلەسكەرلەردەن اقشا جيناۋ, قۇرىلىس كومپانياسىنىڭ ءوز مىندەتتەرىن ورىنداماۋى, قارجىنىڭ ماقساتسىز جۇمسالۋى قۇرىلىسقا ۇلەسكەرلىكپەن قاتىسۋدىڭ نەگىزگى پروبلەمالارى بولىپ تابىلادى.
ۆاك جۇمىسىنىڭ اياسىندا 2015-2017 جىلدار ارالىعىندا 100-دەن استام قۇرىلىس نىسانىنداعى پاتەرلەردى زاڭسىز جولمەن ساتۋ وقيعالارىنىڭ جولى كەسىلدى.
وسىنىڭ ناتيجەسىندە قۇرىلىس كومپانياسىنىڭ جەتەكشىلەرىنە قاتىستى 28 قىلمىستىق ءىس قوزعالدى. الاياقتىق جانە زاڭسىز كاسىپكەرلىك قىزمەت فاكتىسى بويىنشا كومپانيالاردىڭ 30 لاۋازىمدى تۇلعاسى سوتتى بولدى.
زاڭدى اتتاعان جەتەكشىلەردىڭ 53 نىسانى بۇگىنگى تاڭدا اكىمدىكتىڭ ءجىتى باقىداۋىندا. بىلتىر مۇنداي نىسانداردىڭ سانى 69-دى قۇرايتىن.
«قۇرىلىس جۇمىستارى ءجۇرىپ جاتقان تۇرعىن ءۇي كەشەندەرىندەگى پاتەرلەردىڭ زاڭسىز ساتىلىمىنىڭ الدىن الۋ ماقساتىندا استانا قالاسىنىڭ پروكۋراتۋراسى 2017 جىلدىڭ قازانىندا ءتيىستى رۇقساتسىز پاتەرلەردى جارنامالاپ, ساتۋمەن اينالىساتىن قۇرىلىس كومپانياسىنىڭ جەتەكشىلىگىنە قاتىستى شارالاردىڭ الگوريتمىن ازىرلەدى. باسقارما دا بۇل باعىتتاعى جۇمىستارىن جالعاستىرىپ جاتىر», - دەپ تۇيىندەدى ت. ق ۇلىشەۆ.
كەڭەس قورىتىندىسى بويىنشا استانا قالاسى اكىمىنىڭ ءبىرىنشى ورىنباسارى سەرگەي حوروشۋن ۆەدومستۆونىڭ جۇمىسىنا باعاسىن بەرىپ, قۇرىلىم قىزمەتىنىڭ تيىمدىلىگىن ارتتىرۋ بويىنشا وسى جىلعا ارنالعان ماقسات-مىندەتتەردى بەلگىلەدى.
«قۇرىلىس جۇمىستارىنىڭ كولەمى جونىندە ايتار بولساق, 2017 جىلى بۇل كورسەتكىش 608 ملرد تەڭگەنى قۇراعان بولاتىن. بۇل - رەسپۋبليكاداعى ەڭ ۇزدىك ناتيجە. بىلتىر ءبىز باسپانانىڭ 2 ملن 357 مىڭ شارشى مەترىن پايدالانۋعا بەردىك. سوڭعى بىرنەشە جىلداعى رەكورد مىنە وسى. تۇرعىن ءۇي قۇرىلىسىنا تارتىلعان ينۆەستيتسيا كولەمى 228 ملرد تەڭگەنى قۇرادى», - دەپ مالىمدەدى سەرگەي حوروشۋن.
