ازاماتتارعا ءار سالا بويىنشا اقىسىز نەگىزدە قۇقىق قورعاۋ قىزمەتتەرى كورسەتىلدى.
«بۇل جەردە ارىزدار مەن وتىنىشتەر جەدەل جانە ساپالى تۇردە شەشىلەدى. نەگىزىندە تۇرعىندار ازاماتتىق-قۇقىقتىق ماسەلەلەر, سوت شەشىمىنىڭ ورىندالماۋى, قۇقىق قورعاۋ ورگاندارى قىزمەتكەرلەرىنىڭ ارەكەتتەرى نەمەسە ارەكەتسىزدىكتەرى جونىندە كەڭەس الۋ ءۇشىن جۇگىنەدى», - دەيدى ورتالىق قىزمەتكەرلەرى.
ماسەلەن, اباقتىدان راقىمشىلىقپەن بوساتىلىپ, قالانىڭ ءبىر ديسپانسەرىندە ەسەپتە تۇرعان نەمەرەسىنىڭ جەكە كۋالىگىن ءبىر جىل بويى الا الماي جۇرگەن زەينەتكەر ليديا پونومارەۆاعا ناقتى كومەك كورسەتىلدى. ونىڭ ايتۋىنشا, ول حقكو, پوليتسيا منە تو جۇگىنگەن. ەش جەردە وعان ناقتى كومەك كورسەتىلمەگەن سوڭ, ول قۇقىق قورعاۋ قىزمەتىنىڭ ورتالىعىنا كەلگەن. بۇل جەردە ونىڭ ماسەلەسى ءبىر كۇن ىشىندە شەشىلدى. زەينەتكەر ورتالىق قىزمەتكەرلەرىنە العىس ايتتى.
ەسكە سالا كەتۋ كەرەك, ورتالىقتىڭ نەگىزگى مىندەتى – ارىزداردى جەدەل شەشۋ, ازاماتتاردىڭ قۇقىق قورعاۋ ورگاندارىنا سەنىمىن ارتتىرۋ, اكىمشىلىك كەدەرگىلەر مەن بيۋروكراتيانى جويۋ.
قۇقىق قورعاۋ قىزمەتىنىڭ ورتالىعى ۆوروشيلوۆ كوشەسى, 58 مەكەنجايىندا ورنالاسقان, ازاماتتاردى جۇمىس كۇندەرى 9.00-دەن 18.30-عا دەيىن قابىلدايدى.
ازامات قاسىم,
«ەگەمەن قازاقستان»
