«بۇگىن قاۋىپسىزدىك كەڭەسىنىڭ پرەزيدەنتى - قازاقستان. نۇرسۇلتان نازارباەۆ وتكەن جىلدىڭ قاڭتار ايىندا ءوز سوزىندە قاۋىپسىزدىك كەڭەسىنە بەلگىلەگەن 7 باسىمدىق بۇل مالىمدەمەگە ايماقتىق كونتەكستتە ساقتاندىرۋشى ديپلوماتيا بويىنشا ەنگىزىلدى. قۇجاتتا يادرولىق قارۋسىزداندىرۋ, سەنىم شارالارى, بۇۇ 100 جىلدىعىنا قاراي سوعىسسىز الەم قۇرۋ ماسەلەلەرى قاراستىرىلعان.
مەملەكەت باسشىسى بەلگىلەگەن شارتتار بۇگىنگى كۇنى قابىلداندى. مۇنداي مالىمدەمەلەر كەلىسىلىپ, ۇجىمدىق تۇرعىدا قابىلدانۋى ءۇشىن بۇۇ قاۋىپسىزدىك كەڭەسىنە مۇشە مەملەكەتتەردىڭ ماقۇلداۋىنا يە بولۋى كەرەك. سوندىقتان, بۇل مالىمدەمە حالىقارالىق بىرلەستىكتەر ن.نازارباەۆتىڭ يدەياسى مەن ۇسىنىستارىن قابىلدايتىنىن كورسەتىپ وتىر. بۇگىنگى كۇنى ونىڭ تاجىريبەلىك تۇرعىدا جۇزەگە اسۋىندا ءبىزدى ءبىرشاما جۇمىس كۇتىپ تۇر», - دەدى ول قازاقستاندىق تىلشىلەرگە بەرگەن سۇحباتىندا.
ديپلومات ءوز سوزىندە ن.نازارباەۆتىڭ بۇۇ قاۋىپسىزدىك كەڭەسىنىڭ ورنى - بۇكىل ادامزاتقا قاتىستى بەيبىتشىلىك پەن سوعىس ماسەلەسى قوزعالاتىن باستى ورگانداعى ءسوزىنىڭ تاريحي سيپاتى بارىن اتاپ ءوتتى. «بۇگىن مىنا الاڭدا قازاق تىلىندە ءۇن شىقتى. بۇل الەمدىك بىرلەستىكتەر ءۇشىن ماڭىزدى وقيعا بولدى دەپ ايتا كەتۋ كەرەك. سەبەبى, ءبىزدىڭ مەملەكەت باسشىنىڭ بەيبىتشىلىككە دەن قويعان ساياساتىنىڭ ءرولى ۇلكەن. ول مويىندالا وتىرىپ, زور سەنىمگە يە بولعان. بۇل حالقىمىز ءۇشىن ماقتان تۇتارلىق وقيعا», - دەيدى ول. قايرات وماروۆتىڭ ايتۋىنا قاراعاندا, نۇرسۇلتان نازارباەۆ ەڭ وزەكتى ءارى وتكىر حالىقارالىق ماسەلەلەرگە قاتىستى قازاقستاننىڭ ۇستانىمىن ناقتى بىلدىرە وتىرىپ, شيەلەنىستەردىڭ شەشىمىن ۇسىنعان.
«مەملەكەت باسشىسى حالىقارالىق بىرلەستىكتەرگە وتە ماڭىزدى مەسسەدج تاراتىپ, قازىرگى تاڭدا سەنىم شارالارى نەگىزىندە قارىم-قاتىناس ورناتۋعا ۇندەدى. ءدال قازىر سەنىم شارالارىنىڭ جەتىسپەيتىنى كورىنىپ تۇر. ال قازاقستان بۇۇ باس اسسامبلەياسى اياسىندا 1992 جىلى سەنىم شارالارى مەن بىرلەسە ارەكەت ەتۋ بويىنشا وتىرىستا وسى يدەيانى بىلدىرگەن بولاتىن. ال بۇگىنگى كۇنى وسى سەنىم شارالارىنىڭ قاجەتتىلىگى ودان ارى ارتا ءتۇستى. مەملەكەت باسشىسى بۇل تۇرعىدا ساياسي جىگەردىڭ, مەملەكەت باسشىلارىنىڭ اراسىندا سەنىمنىڭ جەتپەي تۇرعانىن ەرەكشە ايتىپ ءوتتى», - دەيدى قايرات وماروۆ. ول ءوز ءسوزىن قاۋىپسىزدىك كەڭەسىنىڭ مۇشەلەرى «قازاقستاننىڭ بەيبىتشىلىككە شاقىرعان ۇستانىمىن - حالىقارالىق ماسەلەلەردى شەشۋدەگى شىنايى ۇلەسى» دەپ ءبىلىپ وتىرعانىن تىلگە تيەك ەتتى. «بۇۇ قاۋىپسىزدىك كەڭەسىنىڭ مىنبەرىندە مەملەكەت باسشىسى بەلگىلەگەن باسىمدىقتار مەن تاپسىرمالار ءسىم-گە دە, بۇۇ جانىنداعى قر-نىڭ تۇراقتى ۇكىمەتىنە دە جوعارى تالاپ قويادى. ءبىزدىڭ توراعالىقتىڭ تاقىرىپتارى (جاپپاي قىرعىنعا ۇشىراتار قارۋلاردىڭ تاراتىلماۋى, اۋعانستان مەن ورتالىق ازيادا ايماقتىق ىنتىماقتاستىق قۇرۋ) بۇۇ قاۋىپسىزدىك كەڭەسىنە مۇشە ەلدەردىڭ تاراپىنان ۇلكەن قولداۋعا يە بولدى دەسە بولادى. بۇگىن زالدا وتىرعان ادامدار مەملەكەت باسشىسىن مۇقيات تىڭدادى. ەكىنشى دەباتتا بۇل سۇراقتار وتە قىزۋ تۇردە تالقىلاناتىنىنا سەنىمدىمىن», - دەيدى قايرات وماروۆ.
ديپلومات ءوز سوزىندە بۇۇ قاۋىپسىزدىك كەڭەسىندەگى قازاقستاننىڭ توراعالىعىنىڭ ءۇش قىرى بارىن جەتكىزدى. ء«بىرىنشىسى - ءبىز تاريحتا ءبىرىنشى بولىپ بۇۇ مەن بۇۇ قاۋىپسىزدىك كەڭەسىندە اتالعان كەڭەسكە مۇشە جاڭا ەلدەردىڭ تۋلارىن ورناتۋ بويىنشا رەسمي سالتاناتتى شارا وتكىزدىك. بۇل داستۇرگە اينالۋى مۇمكىن. ەكىنشىسى - الەم ەلدەرىنە جاعىمدى اسەر قالدىرعان يران بويىنشا توتەنشە سەسسيانىڭ ءساتتى وتكىزىلۋى. ءۇشىنشىسى - ءبىز بۇۇ قاۋىپسىزدىك كەڭەسىندە اۋعانستانعا ميسسيا جولدادىق. كابۋلدا 20 اۋعان قوعامداستىقتارىنىڭ وكىلدەرىمەن مەن باستاعان دەلەگاتسيا 15 كەزدەسۋ وتكىزدى. بۇعان دەيىن بىرنەشە مەملەكەت بۇل جۇمىستى ىسكە اسىرۋعا تىرىسقانىمەن, وكىنىشكە قاراي مۇمكىن بولماپ ەدى», - دەيدى ديپلومات. قايرات وماروۆ ءوز سوزىندە بۇۇ قاۋىپسىزدىك كەڭەسى توراعانىڭ اۋعانستان مەن ورتالىق ازيا تاراپىنان كومەك بەرۋ بويىنشا مالىمدەمەسىن قابىلداۋى كۇتىلىپ وتىرعانىن ەسكە سالدى.
