پەداگوگيكالىق وقۋ ورنىنىڭ پروفەسسور-وقىتۋشىلارى مەن قىزمەتكەرلەرى قاتىسقان القالى جيىندى وقۋ جانە تاربيە ىستەرى جونىندەگى پرورەكتورى اباي قۇرمانقۇلوۆ اشىپ, جۇرگىزىپ وتىردى.
– پرەزيدەنت بيىلعى جولداۋدىڭ «ادامي كاپيتال – جاڭعىرۋ نەگىزى» اتتى جەتىنشى باسىمدىعىندا ءبىلىم بەرۋدىڭ جاڭا ساپاسى تۋرالى كەڭىنەن ايتىپ, وتاندىق جوعارى وقۋ ورىندارىنىڭ الدىنا تىڭ مىندەتتەر قويدى. وندا پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ قاجەتتىگى جايىندا, ەلىمىزدىڭ ۋنيۆەرسيتەتتەرىندەگى پەداگوگيكالىق كافەدرالار مەن فاكۋلتەتتەردى دامىتۋعا توقتالدى. سونىمەن قاتار, ءبىلىم بەرۋدىڭ بارلىق دەڭگەيىندە ماتەماتيكا مەن جاراتىلىستانۋ عىلىمدارىن وقىتۋ ساپاسىن كۇشەيتۋ قاجەتتىگىنە دە نازار اۋدارىلدى. قورىتىندىلاي كەلە, جاڭا جولداۋ مەملەكەت باسشىسىنىڭ وتكەن جىلدىڭ قاڭتارىندا جاريا ەتكەن ءۇشىنشى جاڭعىرۋ باسىمدىقتارىمەن, سونداي-اق, «بولاشاققا باعدار: رۋحاني جاڭعىرۋ» باعدارلامالىق ماقالاسىمەن ەتەنە ساباقتاس. پرەزيدەنتتىڭ بيىلعى جولداۋى ءبىزدى جىگەرلەندىرەدى جانە كەلەشەك ءۇشىن جاۋاپكەرشىلىكتى ارتتىرادى, – دەدى ول.
ادامي كاپيتالدىڭ ساپاسىن ارتتىرۋ – مەملەكەت دامۋىن قامتاماسىز ەتۋدىڭ نەگىزگى العىشارتى. قوعامنىڭ زياتكەرلىك الەۋەتىن ىلگەرىلەتۋدى جۇزەگە اسىرۋ پەداگوگ كادرلارعا تىكەلەي بايلانىستى. وسى ورايدا ەلباسى جولداۋدىڭ جەتىنشى نەگىزگى مىندەتىندە ءبىلىم بەرۋ جۇيەسىنىڭ بارلىق دەڭگەيى زامان شىندىعى مەن ەكونوميكا سۇرانىستارىنا جاۋاپ بەرۋى ءتيىس ەكەندىگىن جانە بۇل ارادا مۇعالىم ماماندىعىنىڭ بەدەلىن ارتتىرۋ قاجەتتىگىن العا تارتتى. وسىعان وراي باسقوسۋ بارىسىندا ماڭىزدى قۇجات تۋرالى وقۋ ورنىنىڭ پروفەسسور-وقىتۋشىلارى دا سۇبەلى ويلارىن قوسىپ, پايىمدى پىكىرلەرىمەن ءبولىستى.
فيلولوگيا عىلىمدارىنىڭ دوكتورى, پروفەسسور تىنىشتىق ەرمەكوۆا «جاڭا جولداۋ جانە رۋحاني جاڭعىرۋ: ساباقتاستىق پەن جاڭا مۇمكىندىكتەر» تاقىرىبىندا بايانداما جاساپ, جارقىن بەلەستەرگە جەتەلەيتىن ستراتەگيانىڭ باسىم باعىتتارىنا تەرەڭىرەك توقتالدى. ال, پەداگوگيكا-پسيحولوگيا فاكۋلتەتىنىڭ دەكانى, پەداگوگيكا عىلىمدارىنىڭ دوكتورى, پروفەسسور سايرا جيەنباەۆا ەلباسى جولداۋى مەكتەپكە دەيىنگى تاربيەنىڭ جاڭا باعىتتا دامۋىنا سەرپىن بەرەتىندىگى جايىندا اڭگىمەلەدى.
– بىزدە قازىردىڭ وزىندە ولاردى مەكتەپكە دەيىنگى ءبىلىم بەرۋ ىسىنە تارتۋ سالاسىندا جاقسى ناتيجەلەر بار. مەكتەپكە دەيىنگى ءبىلىم بەرۋدەگى مەملەكەت-جەكەمەنشىك سەرىكتەستىگىنىڭ ۇلگىسى سالماعىن ارتتىردى. جوبادا ءتورتىنشى باسىمدىق – ادامي كاپيتال ساپاسىن جاقسارتۋ دەپ مەكتەپكە دەيىنگى ءبىلىم بەرۋدەن باستاۋدى باستى نازاردا بولۋىندا. بالالاردى ەرتە جاستان مەكتەپكە دەيىنگى تاربيەمەن جانە وقىتۋمەن قامتۋدىڭ قاجەتتىگىن ەسكەرتەدى. وسى جاستاعى بالالاردىڭ دامۋىنداعى سەنزيتيۆتىك كەزەڭدىگى, قازىرگى بالالاردىڭ دامۋىنىڭ وتە قارقىندىعى, قابىلداۋ بەيىمدىلىگىنىڭ تەزدىگىن ەسكەرىپ, جەتكىنشەكتەردىڭ وزدىگىمەن دامۋىنا مۇمكىندىك جاساۋدى, ەركىن دامۋىن قولدايدى. ءاربىر جاستىڭ ءبىلىم الۋعا, قورشاعان ورتانى تانۋعا بەيىمىن, وزدىگىمەن دامۋىنا, سىني تۇرعىدان ويلاۋىن دامىتۋدى ناق وسى كەزەڭنەن باستاۋ تيىستىگى مەڭزەيدى. ءبىزدى ەرەكشە قۋانتاتىنى, ويى 3-6 جاس ارالىعىنداعى بالالاردى مەكتەپكە دەيىنگى ءبىلىم بەرۋمەن 2020 جىلعا قاراي ءجۇز پايىز قامتۋ ماسەلەسىن مەملەكەت پەن بيزنەس بىرلەسە شەشۋدى جالعاستىرۋ جالپىۇلتتىق مىندەتتەردىڭ ءبىرى دەپ كورسەتەدى. حالقىنىڭ بولاشاعى بۇگىنگى وسكەلەڭ ۇرپاق دەپ بىلگەن ەلباسى ساياساتى ومىرشەڭ, جاڭا جاعدايدا دامۋعا مۇمكىندىك بەرەتىنە سەنىمىمىز زور. بۇل مىندەتتەردى بيىك جاۋاپكەرشىلىكپەن ورىنداۋ بىزگە جۇكتەلگەن مارتەبەلى مىندەت, – دەپ اتاپ ءوتتى س. جيەنباەۆا.
سونداي-اق, باسقوسۋ بارىسىندا فيلولوگيا عىلىمدارىنىڭ دوكتورى, پروفەسسور رۋدا زايكەنوۆا «ۇلتتىق مادەنيەتىمىز بەن يدەولوگيامىزدى جەتىك مەڭگەرۋ – رۋحاني جاڭعىرۋدىڭ كەپىلى», پەداگوگيكا عىلىمدارىنىڭ كانديداتى, پروفەسسور ماريا ەسەنوۆا «ادامي كاپيتالىن دامىتۋ نەگىزى – ساپالى ءبىلىم بەرۋ», جاراتىلىستانۋ فاكۋلتەتىنىڭ اعا وقىتۋشىسى ءادىلحان ءماۋي «جەتىنشى باعىت. ادامي كاپيتال – جاڭعىرۋ نەگىزى», پەداگوگيكا عىلىمدارىنىڭ كانديداتى ماريام مۇقاشەۆا ء«بىلىم باستى باعدار» تاقىرىپتارىندا باياندامالار جاسادى.
باسقوسۋدا ءسوز العانداردىڭ پايىمىنشا, مەملەكەت باسشىسى ۇسىنعان ەلىمىزدى ءتورتىنشى ونەركاسىپتىك رەۆوليۋتسيا جاعدايىندا دامىتۋعا ارنالعان 10 نەگىزگى مىندەت قازاقستان دامۋىنىڭ جاڭا باعىتىن كوزدەيدى. بۇل بۇگىنگىدەي الماعايىپ ۋاقىتتا قوعامنىڭ مۇددەسى مەن نەگىزگى ماقساتىن ەسكەرەتىن ستراتەگيالىق تۇرعىدان ماڭىزدى قۇجات.
