قالا ماڭىندا 1000 ورىندىق 4 مادەنيەت ءۇيى, دينا نۇرپەيىسوۆا اتىنداعى مۋزىكالىق كوللەدج ستۋدەنتتەرىنە ارنالعان 100 ورىندىق جاتاقحانا, تاسقالا سەلوسىندا 320 ورىندىق دەنە شىنىقتىرۋ-ساۋىقتىرۋ كەشەنى بوي كوتەرەدى.
ەركىنقالا, اقجار, جاڭاتالاپ, تومارلى سەلولارىندا جاڭا مادەنيەت ۇيلەرى اشىلادى. قالاداعى 27 مەكتەپتىڭ جانىنان سپورت الاڭدارىن, ەركىنقالا سەلوسىندا دسك, بالىقشى, كەڭوزەك, دامبى, اتىراۋ سەلولىق وكرۋگتەرىندە التى سپورت زال, جاساندى توسەمى بار 4 فۋتبول الاڭىن سالۋ ءۇشىن جوبالاۋ-سمەتالىق قۇجاتتاما دايىندالۋدا.
بيىل قالا الاڭدارىن اباتتاندىرۋ مەن دەمالىس ساياباقتارىنىڭ قۇرىلىسىن جۇرگىزۋ جوسپارلانىپ وتىر. قازىر «يساتاي-ماحامبەت» ورتالىق الاڭىن جاڭعىرتۋعا, جايىقتىڭ وڭ جاعالاۋىنان دەمالىس ورنىن سالۋعا جسق دايىندالىپ, مەملەكەتتىك ساراپتاما ءجۇرىپ جاتىر.
- بۇل نىساندار كەزدەيسوق تاڭدالعان جوق, قالا اكىمىنىڭ ازاماتتاردى قابىلداۋى مەن كەزدەسۋلەرىندە حالىقتان تۇسكەن ۇسىنىستار جينالىپ, جۇزەگە اسىرىلۋدا, - دەپ حابارلادى اتىراۋ قالاسى اكىمىنىڭ ءباسپاسوز قىزمەتى. - 2018 جىلى ازاماتتاردان جاقسى يدەيالار جيناۋعا باعىتتالعان شارالار وتەدى. قالا اكىمى سەرىك شاپكەنوۆ مادەني كوپشىلىك دەمالىس ورىندارىن سالۋعا, تۇرعىنداردان قولداۋ تاپقان جوبالاردى جۇزەگە اسىرۋعا كوڭىل ءبولىپ وتىر.
ايتا كەتەيىك, بيىل اتىراۋ قالاسىندا 7 سۋبۇرقاقتىڭ قۇرىلىسى باستالادى, جاڭا نىسانداردىڭ جوبالاۋ-سمەتالىق قۇجاتتاماسى مەملەكەتتىك ساراپتامادان ءوتىپ جاتىر.
