قالا كوشەلەرىنە درەناج ورناتۋ پروبلەماسىن تالقىلاۋعا قازاقستاندىق بەلگىلى عالىمدار مەن تاجىريبەلى ماماندار قاتىستى. ۇلتتىق عىلىم اكادەمياسىنىڭ اكادەميگى, 2000 جىلدارى اتىراۋ وبلىسىنىڭ اكىمى بولعان سەرىكباي داۋكەەۆ جەكە عيماراتتار مەن نىسانداردان شىعاتىن جەرگىلىكتى جۇيەلەر قوسىلاتىن ورتالىقتاندىرىلعان ماگيسترالدى درەناج جۇيەسىن ەنگىزۋدى ۇسىندى.
- سونىمەن بىرگە كەز كەلگەن جول توسەمىندەگى سۋ ماگيسترالدى درەناج جۇيەسىنە قۇيىلۋ ءۇشىن بارلىق اۆتوكولىك جولدارىنا نوسەر كاناليزاتسياسىن سالۋ كەرەك, - دەدى اكادەميك سەرىكباي داۋكەەۆ.
گەولوگيا-مينەرولوگيا عىلىمدارىنىڭ دوكتورى ماليس ابسامەتوۆ درەناج سۋىن قالادان شىعارماي, اتىراۋ قالاسىنىڭ اۋماعىندا ساياباقتارى بار بىرنەشە سۋ قويمالارىنا ءبولىپ تاستاۋدى ۇسىندى. كەيىن ول جەرلەردى تۇرعىنداردىڭ كوكتەم-جاز مەزگىلدەرىندە دەمالاتىن ورنى ەتۋگە بولادى. عالىمنىڭ سوزىنشە, درەناج سۋى توگىلەتىن سۋ قويمالارىنىڭ قۇرىلىسى ەۋروپانىڭ بىرنەشە ەلدەرىندە قولدانىسقا يە.
اتىراۋ وبلىسىنىڭ اكىمى نۇرلان نوعاەۆ بارلىق ۇسىنىلعان جوبالاردى تىڭداپ, وبلىستىڭ بارلىق اۋداندارىنا جەر بەدەرىنە, گەولوگيالىق ورنالاسۋ جاعدايىنا, جەر استى سۋلارىنىڭ دەڭگەيىنە قاراي جەكە ءتاسىل قولدانۋ كەرەكتىگىن ايتتى.
-وسى فاكتورلاردىڭ ءبارى ەسەپكە الىنىپ, جاقسى ۇسىنىستار بەرۋلەرىڭىز كەرەك. ءبىز ءوز كەزەگىمىزدە ارىپتەستىككە ءازىرمىز, عىلىم وكىلدەرى, تاجىريبەلى مامان رەتىندە وسى ماسەلەنى شەشۋ جولدارىن بەرىڭىزدەر. اتىراۋ وبلىسى مەن وبلىس ورتالىعى ءۇشىن قانداي درەناج جۇيەسى ماڭىزدى, ۇتىمدى شەشىمدى تاڭداۋىمىز كەرەك, - دەدى نۇرلان نوعاەۆ.
باقىتگۇل باباش,
"ەگەمەن قازاقستان"
