وڭتۇستىك قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ارمان ءسابيتوۆتىڭ مالىمدەۋىنشە, تۇرعىندار سالىمدارىنىڭ 64,5 پايىزى ۇلتتىق ۆاليۋتادا ساقتاۋلى. سونداي-اق, باسقارما باسشىسى وڭىرلىك كوممۋنيكاتسيالار قىزمەتىندە وتكەن بريفينگتە وتكەن جىلى ەكىنشى دەڭگەيلى بانكتەرمەن 299,4 ملرد. تەڭگە كولەمىندە نەسيە بەرىلگەنىن ايتىپ ءوتتى.
«ەكىنشى دەڭگەيدەگى بانكتەردەن بەرىلگەن نەسيە كولەمىنىڭ 62,4 پايىزى – جەكە تۇلعالارعا تۇتىنۋ ماقساتىندا, 19,8 پايىزى – ونەركاسىپ سالاسىنا, 14,4 پايىزى – ساۋداعا, 2,1 پايىزى – قۇرىلىس سالاسىنا, 1,3 پايىزى – اۋىل شارۋاشىلىعىنا بەرىلگەن», – دەدى ارمان ءسابيت ۇلى. ال شاعىن جانە ورتا كاسiپكەرلiكتi دامىتۋعا بەرىلگەن نەسيەلەردىڭ كولەمى 43,9 ملرد. تەڭگە بولىپ, 12,4 پايىزعا ارتقان.
ينۆەستيتسيا كولەمى وتكەن جىلدىڭ قورىتىندىسى بويىنشا 482 ملرد. تەڭگە بولىپ, الدىڭعى جىلمەن سالىستىرعاندا 20,2 پايىزعا ارتقان. بۇل كورسەتكىشپەن وبلىس رەسپۋبليكادا كوش باستاپ تۇر. سونداي-اق, ونەركاسىپ ءونىمىنىڭ كولەمى 858,5 ملرد. تەڭگەگە جەتىپ, 2016 جىلمەن سالىستىرعاندا 102,1 پايىزدى قۇراعان.
ايتا كەتەلىك, وڭىردە يندۋستريالاندىرۋ, ەكونوميكانى ءارتاراپتاندىرۋ جانە ءوندىرىستى دامىتۋعا ەرەكشە نازار اۋدارىلۋدا.
عالىمجان ەلشىباي,
«ەگەمەن قازاقستان»
