وسى جولعى ماڭىزدى قۇجاتتا دا ەلباسى مەملەكەتتى نىعايتۋ جولىنداعى ستراتەگيالىق ماڭىزدى ماسەلەلەردى ايقىنداپ, قاپەردە ۇستار ون مىندەتتى بەلگىلەپ بەردى. سونىڭ ءبىرى رەتىندە قوعامدا زاڭنىڭ ۇستەمدىگىن نىعايتىپ, ءاربىرىمىزدى سىبايلاس جەمقورلىقپەن كۇرەسۋگە شاقىرۋى جارقىن بولاشاقتىڭ تۇعىرىن نىقتاۋعا دەگەن ماڭىزدى قادام دەۋگە بولادى. ويتكەنى زاڭ ۇستەمدىك ەتپەگەن جەردە ەلباسى ايتقان ماقسات-مىندەتتەردىڭ ءوز دارەجەسىندە ورىندالۋى ەكىتالاي.
جاسىراتىنى جوق, سىبايلاس جەمقورلىقپەن كۇرەس بۇگىندە مەملەكەتتىك ماڭىزى بار تۇيتكىلدى ماسەلەگە اينالدى. سەبەبى, مۇنداي ارەكەتتىڭ كورىنىس تابۋى ەلدىڭ دامۋىنا كەدەرگى كەلتىرىپ قانا قويماي, قوعامدا بيلىككە دەگەن سەنىمسىزدىك تۋدىرادى. سوندىقتان ەڭ الدىمەن قوعامنىڭ جەگى قۇرتىنا اينالعان جەمقورلىقتى تىزگىندەپ, ونى اۋىزدىقتاۋدىڭ جولدارىن قاتاڭ قاداعالاۋىمىز قاجەت. ونىمەن كۇرەسۋ تەك قۇقىق قورعاۋ ورگاندارىنىڭ عانا ەمەس, تۇتاس ەلدىڭ مىندەتىنە اينالۋى ءتيىس.
روزاقۇل حالمۇرادوۆ,
وڭتۇستىك قازاقستان وبلىستىق
قازاقستان حالقى اسسامبلەياسى
توراعاسىنىڭ ورىنباسارى
شىمكەنت
