«ۇجىمدىق ءىس-قيمىلدان قۋات العان الەمدىك قوعامداستىقتىڭ سەنىمى, ەرىك-جىگەرى مەن اقىل-پاراساتى پلاتەنامىزدىڭ جاھاندىق اپاتقا ۇشىراۋىنا جول بەرمەيدى دەپ سەنەمىن. كەڭەستىڭ بارلىق مۇشە-مەملەكەتتەرىنە بەرىك ىنتىماقتاستىعى ءۇشىن ريشالىعىمدى بىلدىرەمىن», دەدى ەلباسى.
نۇرسۇلتان نازارباەۆتىڭ ايتۋىنشا, بۇگىنگى ءىس-شارا قازاقستاننىڭ بۇۇ قاۋىپسىزدىك كەڭەسىندەگى توراعالىعى كەزىندەگى نەگىزگى شارا. سونداي-اق جيىن جاھاندىق كۇن تارتىبىندەگى ەڭ وزەكتى تاقىرىپتاردىڭ بىرىنە ارنالىپ وتىر. «بەيبىتشىلىك پەن قاۋىپسىزدىككە قول جەتكىزۋ جولىنداعى سەنىم شارالارى شيەلەنىستىڭ الدىن الۋ مەن ماڭىزدى جاھاندىق پروبلەمالاردى شەشۋدە نەگىزگى ءرول وينايدى. مەن بۇۇ باس اسسامبلەياسىنىڭ 47-سەسسياسىنىڭ مىنبەرىنەن ازياداعى قاۋىپسىزىدك پەن سەنىم شارالارى جونىندەگى وڭىرلىك قۇرىلىم قۇرۋ جونىندە ۇسىنىس ايتقان بولاتىنمىن. تىنىمسىز ديپلوماتيالىق جۇمىستىڭ ناتيجەسىندە بۇل مەحانيزم قۇرىلدى. قازىرگى تاڭدا ازياداعى ءوزارا ىقپالتاستىقتىڭ جانە سەنىم شارالارى كەڭەسى وڭىردەگى 26 مەملەكەتتى بىرىكتىرىپ, جەمىستى جۇمىس ىستەۋدە. شيرەك عاسىردان كەيىن بۇۇ عيماراتىندا قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستان اتىنان ءسوز سويلەپ تۇرمىن. بىراق جەكەلەگەن ەلدەر اراسىندا دا, جاھاندىق دەڭگەيدە دە ءوزارا سەنىمدى ارتتىرۋ ماسەلەسىنىڭ ءالى دە كۇردەلى ەكەنىن جانە ونىڭ كۇننەن-كۇنگە وزەكتى بولا تۇسكەنىن ايتۋعا ءماجبۇرمىن», دەدى پرەزيدەنت.
