وسى ورايدا جامبىل وبلىسىنىڭ اكىمى اسقار مىرزاحمەتوۆتىڭ قاتىسۋىمەن «بالاساعۇن» ورتالىق كونتسەرت زالىندا اكتيۆ جيىنى ءوتتى. وعان وبلىس اكىمىنىڭ ورىنباسارلارى, قالا جانە اۋدان اكىمدەرى, ءماسليحات دەپۋتاتتارى, باسقارما مەن دەپارتامەنتتەر, قۇقىق قورعاۋ ورگاندارى مەن جوعارى وقۋ ورىندارى باسشىلارى, سونداي-اق ساياسي پارتيالار, ەتنومادەني ورتالىقتار, ۇكىمەتتىك ەمەس ۇيىمدار مەن جاستار بىرلەستىكتەرى, ەكىنشى دەڭگەيلى بانكتەر وكىلدەرى قاتىستى.
– بيىلعى جولداۋىندا ەلباسى جەتىستىككە جەتكىزەتىن 10 مىندەتتى ۇسىندى. بۇل – قازاقستان ءۇشىن جاڭا الەم كوشباسشىلارىنىڭ قاتارىنا قوسىلۋ بارىسىنداعى جاڭا مۇمكىندىكتەر, – دەدى اكىم.
جيىندا وبلىس اكىمىنىڭ ءبىرىنشى ورىنباسارى بەكبولات ورىنبەكوۆ وڭىردە كاسىپورىنداردى اۆتوماتتاندىرۋ, ەڭبەك ونىمدىلىگىن ارتتىرۋ جانە بارلىق سالاعا تسيفرلىق جۇيەنى ەنگىزۋ ماقساتىندا جۇمىستار اتقارىلىپ جاتقانىن ايتىپ ءوتتى. سونىمەن قاتار اكتيۆ جيىنىندا ەلباسى جولداۋىندا ايتىلعان كولىك-لوگيستيكا ينفراقۇرىلىمىن دامىتۋ, قۇرىلىس جانە تۇرعىن-ءۇي كوممۋنالدىق شارۋاشىلىعىنا زاماناۋي تەحنولوگيالاردى ەنگىزۋ, قارجى سەكتورىن «قالپىنا كەلتىرۋ», ناتيجەلى جۇمىسپەن قامتۋ, بىرىڭعاي ەلەكتروندىق ەڭبەك بيرجاسىن كەڭ اۋقىمدا ەنگىزۋ ماسەلەلەرى تالقىلاندى.
جامبىل وبلىسى بۇگىندە جاڭا ورلەۋ كەزەڭىندە. جولداۋ جۇكتەگەن مىندەتتەر اياسىندا وڭىردە وزگەرىستەر كوپ. ەلباسى جولداۋىندا دەنى ساۋ ۇلت قالىپتاستىرۋ ماسەلەسى ايتىلعاندىقتان, الداعى ۋاقىتتاردا مەديتسينالىق ۇيىمداردا ەلەكتروندى دەنساۋلىق پاسپورتى قۇرىلاتىن بولادى. سونداي-اق وبلىس كولەمىندە سوزىلمالى اۋرۋلاردى باسقارۋ باعدارلاماسى ەنگىزىلەدى. ءوز كەزەگىندە ءتيىمدى مەملەكەتتىك باسقارۋدى دامىتۋ ماسەلەلەرى دە ءسوز بولىپ, وبلىستا كاسىپكەرلەردىڭ شىعىندارىن قىسقارتۋ بويىنشا قولعا الىناتىن شارالار تۋرالى دا ايتىلدى. ەلباسى جولداۋىندا ايتىلعان «اقىلدى قالالار» جوباسى تاراز قالاسىندا ەنگىزىلمەك. ال سارىسۋ اۋدانىنىڭ جاڭاتاس قالاسىندا «كاسىبي جوسپار» پيلوتتىق جوباسى ىسكە اسىرىلاتىن بولادى.
جيىن بارىسىندا جولداۋدان تۋىنداعان نەگىزگى مىندەتتەرمەن قاتار, ءوڭىردىڭ الەۋمەتتىك-ەكونوميكالىق دامۋى ءۇشىن قولعا الىنىپ وتىرعان بىرقاتار جۇمىستار دا ناقتىلاندى. سونىمەن قاتار ءتۇرلى سالانىڭ ماماندارى جارىسسوزگە شىعىپ, ەلباسى جولداۋىنا بايلانىستى پىكىرلەرىن ءبىلدىردى.
حاميت ەسامان,
«ەگەمەن قازاقستان»
جامبىل وبلىسى
