وسى جىلعى جولداۋدا قازاقستاننىڭ ءتورتىنشى ونەركاسىپتىك رەۆوليۋتسيا داۋىرىنە تابىستى الەۋمەتتىك بەيىمدەلۋى ءۇشىن جاڭا مىندەتتەر انىقتالعان. جاڭعىرۋ كەزەڭىندە وسى مىندەتتەردى ءساتتى جۇزەگە اسىرۋ ءۇشىن كاسىپوداقتار ۋاقىت سىنىنا سايكەس جاڭا دامۋ باعىتىن انىقتاۋى قاجەت. ياعني كاسىپوداقتار الەۋمەتتىك-ەڭبەك قاتىناستارى مەن الەۋمەتتىك سەرىكتەستىك ماسەلەلەرىن كوتەرۋگە جانە شەشۋگە قابىلەتتى قۋاتتى جانە جاسامپاز قوعامدىق ينستيتۋت بولۋى ءتيىس.
ءباسپاسوز ءماسليحاتى بارىسىندا كف توراعاسى باقىتجان ءابدىرايىم كاسىپوداقتاردىڭ قازىرگى قىزمەتى مەن مەملەكەت باسشىسى جولداۋىن جۇزەگە اسىرۋ بارىسىنداعى بولاشاق جوسپارلار تۋرالى ايتتى.
سونداي-اق سپيكەرلەر زاماناۋي دامۋدىڭ باستى ترەندى الەۋمەتتىك-ەڭبەك قاتىناستارىن وزەكتەندىرۋ ەكەندىگىن اتاپ ءوتتى. وسى سەبەپتى, كاسىپوداقتار جۇمىس ورىندارىنىڭ ساقتالۋى, ەڭبەكتى ءتيىمدى قورعاۋ, ەڭبەكاقىنى ۋاقتىلى تولەۋ, وندىرىستىك جاراقاتتانۋشىلىقتىڭ
الدىن الۋ ماسەلەلەرىن جەدەل تۇردە شەشۋى ءتيىس.
«بۇگىندە ەڭبەك نارىعىن تۇراقتاندىرۋ ماقساتىندا قازاقستان كاسىپوداقتارى جۇمىس بەرۋشىلەرمەن تىعىز جۇمىس اتقارادى. ەلباسى جولداۋىندا قويعان 10 مىندەت ارقايسىمىزعا بايلانىستى. ول ەلدىڭ العا دامۋى جولىندا جاسالعان باسىم باعىتتار. قازىرگى تاڭدا ەلىمىزدە قارقىندى قارىشتاۋ پروتسەسى ءجۇرىپ جاتىر. الەمدىك تەحنولوگيالار ەنىپ, كۇندەلىكتى تۇرمىسىمىز جەڭىلدەۋدە. ءتىپتى ادامنىڭ باسقارۋىنسىز جۇرەتىن كولىكتەر دە شىعىپ جاتىر. ەندى ول دا ءبىزدىڭ ەلگە ەنەرى ءسوزسىز. ودان كەلەتىن قاۋىپ, بۇل جۇمىسسىزدىققا اكەلىپ سوعادى. سول سەبەپتى ءبىز جان-جاقتى جۇمىس ىستەپ جاتىرمىز. كاسىپوداقتارمەن جۇزەگە اسىرىلىپ جاتقان شارالار جالپى ەلىمىزدەگى الەۋمەتتىك-ەكونوميكالىق دامۋدىڭ ماڭىزدى فاكتورى رەتىندە كورسەتىلگەن ادام كاپيتالىنىڭ ساپاسىن ارتتىرۋعا مۇمكىندىك تۋعىزادى», دەدى كاسىپوداقتار فەدەراتسياسىنىڭ توراعاسى باقىتجان ءابدىرايىم.
راۋان قايدار,
«ەگەمەن قازاقستان»
