دەپۋتات بۇقار جىراۋ اۋدانىندا دەنساۋلىق ساقتاۋ جانە ءبىلىم بەرۋ سالاسىنىڭ قىزمەتكەرلەرىمەن كەزدەستى. ر.ابدىكەروۆ № 1 قازاق مەكتەبىندە ۇستازدار قاۋىمىنىڭ ەڭبەك جاعدايىمەن جانە ءبىلىم ۇياسىنىڭ وقۋ-ادىستەمەلىك بازاسىمەن تانىستى. ۇستازدار ورتا ءبىلىم بەرۋ جۇيەسىندەگى جالعاسىن تاپقان رەفورمالار تۋرالى ءوز ويلارىمەن ءبولىستى. ءوز كەزەگىندە سەناتور مەكتەپكە جاس مامانداردى تارتۋ تۋرالى تىلەگىن جەتكىزدى.
اۋداندىق اۋرۋحانادا دارىگەرلەر قاۋىمىمەن كەزدەسۋ بولدى. باس دارىگەر س. قاجىكارىموۆ دەپۋتاتتى ەمدەۋ مەكەمەسىندەگى جاڭا تەحنولوگيالارمەن جانە دارىگەرلىك جابدىقتارمەن تانىستىردى.
بۇقار جىراۋ اۋدانىنىڭ اكتيۆىمەن كەزدەسۋ بارىسىندا الەۋمەتتىك-ەكونوميكالىق دامۋداعى ستراتەگيالىق باعدارلامالاردى ىسكە اسىرۋ بارىسى تالقىلاندى. ر. ابدىكەروۆ پارلامەنت قابىلداعان وسى سالاداعى زاڭنامالىق اكتىلەر تۋرالى اڭگىمەلەپ, اۋىل تۇرعىندارىنىڭ ساۋالدارىنا جاۋاپ بەردى.
سەناتور قارقارالى اۋدانىنىڭ دامۋ بارىسىمەن دە تانىسىپ, مۇمكىندىگى شەكتەۋلى جاندارعا ارنالعان ساۋىقتىرۋ ورتالىعىندا بولدى. اۋداندىق اكىمدىك عيماراتىندا ءماسليحات دەپۋتاتتارىمەن, اتقارۋشى بيلىك ورگاندارىنىڭ وكىلدەرىمەن, ءبىلىم بەرۋ سالاسىنىڭ, قۇقىق قورعاۋ ورگاندارىنىڭ قىزمەتكەرلەرىمەن جانە ارداگەرلەرمەن كەزدەستى. ر. ابدىكەروۆ سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى جۇرگىزىپ جاتقان جۇمىستار تۋرالى حاباردار ەتتى. جەرگىلىكتى تۇرعىندار وزدەرىن تولعاندىرعان ماسەلەلەر تۋرالى ايتتى. كەزدەسۋگە قاتىسۋشىلاردىڭ ساۋالدارى ازىق-ت ۇلىك ونىمدەرى باعاسىنىڭ وسۋىنە, تەندەر جۇرگىزۋ بارىسىنداعى ولقىلىقتارعا, دارىگەرلەر مەن مۇعالىمدەر ەڭبەكاقىسى دەڭگەيىنىڭ تومەندىگىنە, مىندەتتى دارىگەرلىك ساقتاندىرۋ جۇيەسىن ەنگىزۋگە, زەينەتاقىمەن قامتاماسىز ەتۋگە قاتىستى بولدى.
