بۇل بالاماسى ەلىمىزدە عانا ەمەس, تاۋەلسىز ەلدەر دوستاستىعى كەڭىستىگىندە جوق بىردەن ءبىر زاۋىت ەلەكتر ەنەرگياسىن تاسىمالداۋعا ارنالعان ارماتۋرا-يزولياتورلار قۇراستىرادى. يزولياتورلاردى دايىن تۇردە رەسەيدەن اكەلەدى دە, وسىندا قۇراستىرادى. زاۋىتتىڭ جۇمىسىن باستاعانىنا دا بەس جىل ەندى تولادى. سوعان قارماستان, وسى جىلى وندىرىسكە جاڭعىرتۋ جۇمىستارى جۇرگىزىلەدى. زاۋىت ديرەكتورىنىڭ ورىنباسارى تاتيانا رىبالكونىڭ ايتۋىنشا, ءوندىرىس تسەحى ەكى ەسە ۇلعاياتىن بولادى. جاڭعىرتۋ جۇمىستارى ءۇشىن شەتەلدەن 170 ميلليون تەڭگە ينۆەستيتسيا تارتىلىپ وتىر.
«اروماتۋرا-يزولياتورلارعا دۇنيە جۇزىندە سۇرانىس وتە ۇلكەن. سونىمەن قاتار ءبىزدىڭ زاۋىت وسىلاردى ءوندىرىپ وتىرعان ءىرى زاۋىتتارعا باسەكە بولادى. قازىر وندىرگەن ءونىمنىڭ 70 پايىزى قازاقستاندى قامتاماسىز ەتەدى. ەكسپورتقا ازىرگە ازەربايجان مەن رەسەيگە شىعارا باستادى. الداعى جىلدارى يسلام جانە ازيا دامۋ بانكتەرى قارجىلاندىراتىن حالىقارالىق نارىققا دا شىعاتىن بولامىز, ول ءۇشىن اتتەستاتسيادان ءساتتى وتتىك. قازىر جىلىنا 500 مىڭ ارماتۋرا-يزولياتور وندىرەمىز, تسەحتى كەڭەيتكەننەن كەيىن ونىڭ سانىن 2 ميلليون داناعا جەتكىزەتىن بولامىز» دەيدى تاتيانا الەكساندروۆنا.
ۆلاديمير بوجكو زاۋىت جۇمىسىمەن جەتە تانىستى. زاۋىتتىڭ ەشقانداي نەسيە الماي, ينۆەستيتسيا ارقىلى جاڭعىرتۋ جۇمىستارىن قولعا العالى وتىرعانىنا ريزاشىلىق ءبىلدىردى.
«قىزىلوردادا زاماناۋي شىنى زاۋىتى جۇمىس ىستەيتىن بولادى. شىنى يزولياتوردى وزىمىزدەن شىعاراتىن بولساق, ءونىمنىڭ وزىندىك قۇنى كەمىپ, زاۋىتتىڭ تابىسى ارتادى» دەدى ۆلاديمير كارپوۆيچ.
مۇنان كەيىن پارلامەنت ءماجىلىسىنىڭ دەپۋتاتتارى ۆلاديمير بوجكو, ۆاسيلي ولەينيك, الەكساندر سۋسلوۆ «نۇر وتان» پارتياسى رۋدنىي قالالىق فيليالىندا پارتيا مۇشەلەرىمەن كەزدەستى. وندا دەپۋتاتتار وتكەن جىلى ءماجىلىس دەپۋتاتتارىنىڭ جاساعان جۇمىسىنا شولۋ جاسادى, شىعارىلعان زاڭداردىڭ ماڭىزىنا توقتالدى. كەزدەسۋگە قاتىسۋشىلاردىڭ سۇراقتارىنا جاۋاپ بەردى.
ءنازيرا جارىمبەت,
«ەگەمەن قازاقستان»
رۋدنىي
