وندىرىستىك بازا ايماقتىڭ مۇناي ءوندىرۋشى كومپانيالارىنا مۇناي بارلاۋ, بۇرعىلاۋ, گەوفيزيكالىق بارلاۋ جۇمىستارىن جۇرگىزۋ قىزمەتتەرىن ۇسىنادى. بۇگىنگى تاڭدا كومپانيانىڭ جەرگىلىكتى بولىمىندە 327 قىزمەتكەر جۇمىس ىستەيدى. كومپانيا قىزمەتكەرلەرى وبلىس اكىمىنە ماماندار دايارلاۋدا كەزدەسەتىن بىرنەشە ماسەلەلەردى كوتەردى. وسىعان وراي, كاسىپتىك مەكتەپتەردىڭ باسشىلارىمەن وسى كومپانيا نەگىزىندە بىرىڭعاي كاسىپتىك ۋچيليششەسىن قۇرۋ تۋرالى ۇسىنىس ەنگىزۋ تاپسىرىلدى.
كەلەسى نىسان قىزىلتوبە اۋىلىنداعى 75 ورىندىق «مىڭ عاسىر» جەكەمەنشىك بالاباقشاسى بولدى. اشىلعانىنا 2 اي بولعان بالاباقشا بۇگىندە19 ادامدى جۇمىسپەن قامتىپ وتىر. ساپار ودان ءارى №6 ورتا مەكتەبىندە جالعاستى. اتالمىش ءبىلىم وشاعىندا 3 210 وقۋشى مەن 321 قىزمەتكەر بار. مەكتەپ ءۇش اۋىسىم بويىنشا ءبىلىم بەرەدى.
مۇنايلى اۋدانىنىڭ اكىمى نۇرلان تاجىباەۆ باسقۇدىق اۋىلىنداعى 600 ورىندىق مەكتەپتىڭ قۇرىلىسى اياقتالىپ, اعىمداعى جىلى پايدالانىلۋعا بەرىلەتىندىگىن ايتتى. سونداي-اق, بيىل تاعى 5 مەكتەپتىڭ قۇرىلىسى باستالماق. سول ارقىلى اۋدانداعى ءۇش اۋىسىمدى وقىتۋ جۇيەسىن رەتتەۋدى كوزدەيدى.
وبلىس اكىمى مۇنايلى اۋدانىنداعى جۇمىس ساپارى بارىسىندا «ەمير ويل» جانە «شۇعىلا» جشس مۇناي جانە جانار-جاعارماي ساقتاۋ بازاسىنىڭ جۇمىسىمەن تانىستى. بۇل – مۇناي ونىمدەرىن الۋعا, ساقتاۋعا جانە تاراتۋعا ارنالعان رەزەرۆۋارلىق فەرماسى جانە عيماراتتار, قۇرىلىستار مەن بايلانىس كەشەنى بار كاسىپورىن. «قازترانسگازعا» 150 مىڭ توننا ىلەسپە گاز ساتادى. اقساز ايماعىندا زاۋىتتىڭ قۇرىلىسى اياقتالعاننان كەيىن شامامەن كۇندەلىكتى 600 م3 وڭدەلگەن گاز الۋ مۇمكىن بولماق. بۇل وڭىردەگى گاز تاپشىلىعى ماسەلەسىن شەشۋگە كومەكتەسەدى.
ءىسساپار ءبىر اۋىسىمدا ورتا ەسەپپەن 50 پاتسيەنت قابىلدايتىن, 31 قىزمەتكەر - 5 دارىگەر جانە 20-دان استام مەدبيكە جۇمىس ىستەيتىن باياندى اۋىلىنداعى دارىگەرلىك امبۋلاتورياسىندا جانە باياندى اۋىلىنىڭ ماڭىنداعى قاتتى تۇرمىستىق قالدىقتاردى قابىلداۋ پوليگونىندا جالعاستى. زاڭدى تۇلعالار ءۇشىن قالدىقتاردى قابىلداۋ قۇنى 1 تەكشە مەترگە - 559 تەڭگە, جەكە تۇلعالار ءۇشىن 194 تەڭگە. ەرالى توعجانوۆ پوليگوننىڭ قالدىقتاردى جيناۋ جۇمىستارىنا دايىندىعى, قوقىس وڭدەۋ بويىنشا ينۆەستورلاردى تارتۋ تۋرالى ەسەپ دايىنداۋدى تاپسىردى.
كەلەسى نىسان «ۋسمانوۆ» اۋىل شارۋاشىلىق كاسىپورنى بولدى. شارۋاشىلىقتىڭ نەگىزگى قىزمەت ءتۇرى – ءسۇت, ايران, شۇبات, قىمىز وندىرەتىن ءىرى قارا مال. كاسىپورىندا 12 قويما, 15 جىلقىسى بار 2 قورا, 4 تۇيە, 30 تاۋىق جانە 6 تۇيەقۇس بار. جەكە سەكتوردا 20 جەرگىلىكتى تۇرعىن جۇمىس ىستەيدى.
سونداي-اق, داۋلەت اۋىلىنىڭ تۇرعىنى 28 جىل مۇناي سالاسىندا قىزمەت ەتكەن ايتقۇل سالمانوۆ 5/50 باعدارلاماسى ارقىلى شارۋا قوجالىعىن اشىپ, ءوز كاسىبىن دوڭگەلەتىپ وتىر. الداعى ۋاقىتتا جىلقى, سيىر وسىرۋمەن قاتار, شارۋاشىلىقتى ەدىلباي قويلارىمەن تولىقتىرۋ جوسپارلانۋدا. جەكە قوجالىقتى ءىرى قارانى بورداقىلاۋ, مال وسىرەتىن بازاعا اينالدىرۋ ءۇشىن اكىمدىك تاراپىنان قولداۋ كورسەتىلەتىن بولدى.
ساپار سوڭىندا وبلىس اكىمى ەرالى توعجانوۆ مۇنايلى اۋدانىنىڭ اكتيۆتەرىمەن جانە اقساقالدارىمەن كەزدەستى. جيىندا اۋدانداعى شاعىن جانە ورتا بيزنەستىڭ دامۋى, قىزىلتوبە اۋىلىن سۋمەن قامتاماسىز ەتۋ, جول جانە تاعى باسقا بىرقاتار ماسەلەلەر كوتەرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
