ە. توعجانوۆ دەپۋتاتتارعا وندىرىستىك, كولىكتىك جانە ينفراقۇرىلىمدىق ءىرى جوبالاردى ىسكە اسىرۋ بارىسى تۋرالى اڭگىمەلەدى. اتاپ ايتقاندا, قۇرىق پورتىنىڭ قۋاتى ەلەۋلى تۇردە ۇلعايدى, جىلىنا 2 ميلليون توننا جۇك تاسىمالىنا ەسەپتەلگەن جاڭا پاروم كەشەنى ىسكە قوسىلدى. ىشكى ءتۋريزمدى دامىتۋ ماقساتىندا «اتا جولى» اۆتوموبيل جولىن جاڭعىرتۋ جۇمىستارى باستالدى.
دەپۋتاتتاردىڭ ءوتىنىشى بويىنشا ايماق باسشىسى «قوشقار اتا» قالدىق ساقتاۋ قويماسىنىڭ توپىراق قۇنارىن قالپىنا كەلتىرۋ جۇمىستارى جانە باسقۇدىق اۋىلىنىڭ اۋماعىنداعى 8,2 گەكتار الاڭدى قۇرايتىن جاسىل ايماق قالىپتاستىرۋ تۋرالى ايتتى. بۇل ايماقتىڭ تابيعاتىن تۇراقتاندىرۋعا جانە ەكولوگيالىق جانە سانيتارلىق-گيگيەنالىق جاعدايىن جاقسارتۋعا مۇمكىندىك بەرەدى.
سەناتورلار ماڭعىستاۋ وبلىستىق پروكۋراتۋراسىندا وتكەن كەڭەستە كونستيتۋتسيالىق رەفورمالار مەن زاڭناماداعى وزگەرىستەردى ىسكە اسىرۋ جايىن دا تالقىلادى. م. بورتنيك, د. قۇسداۋلەتوۆ جانە ب. شەلپەكوۆ قىلمىستىق جانە اكىمشىلىك زاڭناماسىن ىزگىلەندىرۋ جونىندەگى پارلامەنتتىڭ جۇمىسى تۋرالى اڭگىمەلەپ بەردى. شارا بارىسىندا بيزنەس قاۋىمداستىقتارى مەن لوگيستيكانى جاقسارتۋعا بايلانىستى ماسەلەلەر دە تالقىلاندى.
