كيىز ۇعىمى ارحايزمگە اينالىپ بارا جاتقانداي ەدى. داۋىربەك سەكىلدى قولونەرشىلەر قازىر كيىزدەن, جۇننەن ءتۇرلى بۇيىمدار جاساپ, قايتا جاڭعىرتۋدا.
جاھاندانۋ زامانىندا ۇرپاقتارىمىز حالقىنىڭ رۋحاني-مادەني مۇرالار ساباقتاستىعىن ءبىلۋى قاجەت. سارايداعى باسقا دا ۇيىرمەلەرگە 3 مىڭداي وقۋشى كەلەدى ەكەن. شىعارماشىلىقپەن اينالىسۋلارىنا جاقسى جاعداي جاسالعان. ايپاقشى, وپەرا ءانشىسى ماريا مۋدرياك, انشىلەر جانار دوعالوۆا, رينات مالتساگوۆ, اسەل مۇقاتاەۆالار دا وسى سارايداعى ءان ستۋدياسىنان ونەر الەمىنە قانات قاققانى بەلگىلى.
– ماقسات – بالالارعا حالقىمىزدىڭ ارقايسىسىنىڭ عاسىرلىق تاريحى بار قولونەر تۇرلەرىن ۇيرەتىپ, ويۋ-ورنەك ارقىلى وي سالۋ. ءمان-ماعىناسىن تۇسىندىرەمىن. سودان بارىپ ۇلتتىق قولونەرگە دەگەن ەرەكشە قىزىعۋشىلىق, سۇيىسپەنشىلىكتەرى ويانادى, – دەيدى داۋىربەك مۇعاليما.
ۇيىرمەگە كەلۋشى ۇل-قىزدارىمىز شي توقۋ, شي وراۋ, ءجۇن ءتۇتۋ, ءيىرۋ, قۇراق قۇراۋ, كەستە تىگۋ, ويۋ-ورنەكتى ويۋ تاسىلدەرى جانە الاشا توقۋدىڭ بارلىق قىر-سىرىن ۇيرەنۋدە.
سومكە, شاشقىستىرعىش, اشەكەي بۇيىمدارىن, اياققا ءىلىپ الار سۇيرەتپەلەر تىگەدى. بالالار جاساعان بۇيىمداردىڭ «سىرماق» ۇيىرمەسىندە ەرەكشە قورى جيناقتالعان. ءداۋىرحان مۇعاليما ءشيدى كۇز ايلارىندا دالادان ءوزى بۋىپ, جيناپ اكەلەدى. ال كيىز باسۋعا ءجۇندى اتا-انالار وزدەرى جەتكىزىپ بەرەدى. مىسالى, ماسكەۋدە وتكەن «دەتستۆو بەز گرانيتس» اتتى حالىقارالىق بالالار شىعارماشىلىعى كورمەسىنە قاتىسقان ايگەرىم قۋاننىڭ كيىزدەن جاساعان جۇمىستارى جۇلدە الدى. ءامينا يسابەكوۆا, مەرۋەرت سماعۇلوۆا, داليا مادياروۆا, جانار قۇلماعامبەت, قايدار ساياجاندار – بولاشاق قولونەرشى, سۋرەتشىلەر. ولار «سىرماق» ۇيرىمەسىنەن ۇيرەنگەندەرىن جوعارى وقۋ ورىندارىنا تۇسكەن سوڭ دا جالعاستىرماقشى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن
اسەم ايىپ
