كومپانيانىڭ فيليالى 2007 جىلى قۇرىلعان. وتكەن جىلى جۇزەگە اسقان گاز كولەمى ەكى ميلليون تەكشە مەتردەن استى.
2015-2020 جىلدارعا ارنالعان, جالپى سوماسى 21,8 ميلليون تەڭگەنى قۇرايتىن ينۆەستيتسيالىق باعدارلاما تابىستى جۇزەگە اسۋدا. اقتوبە وبلىسى اكىمدىگىمەن بەكىتىلگەن ىنتىماقتاستىق تۋرالى مەموراندۋم شەڭبەرىندە ىرعىز, ويىل, ايتەكە بي اۋدانى ورتالىقتارى, سونداي-اق قوسەستەك, بوگوسلوۆكا, تالدىساي, ەڭبەك, التىندى, اققۇدىق, جايسان ەلدى مەكەندەرىنە كوگىلدىر وتىن تارتىلعان.
كومپانيانىڭ اقتوبە وندىرىستىك فيليالىنىڭ ديرەكتورى باحتيار ءىزباساروۆ اتاپ وتكەندەي, ءبىرىنشى قاڭتارداعى جاعداي بويىنشا گاز قۇبىرىنىڭ ۇزىندىعى 3 502 كيلومەتردى قۇرايدى, 202 603 تۇتىنۋشى بار. 7 قالا مەن 102 ەلدى مەكەندى قوسقاندا, وبلىس تۇرعىندارىنىڭ 87 پايىزعا جۋىعى گازبەن قامتاماسىز ەتىلدى. ەكى جىل ىشىندە تاعى 21 جوبانى جۇزەگە اسىرۋ, ال ودان ءارى بارلىق اۋىلعا گاز قۇبىرلارى تارتۋ جوسپارلانۋدا.
ءماجىلىس دەپۋتاتتارىنا فيليالدىڭ حالىققا قىزمەت كورسەتۋ وپەراتسيالىق قىزمەتى جۇمىسى تانىستىرىلدى. ەلەكتروندىق جۇيە نىسانداردى گازداندىرۋ ءۇشىن ابونەنتتەرگە تەحنيكالىق شارتتار جانە تۇرمىستىق گاز ەسەپتەگىش ورناتۋ ءۇشىن ءوتىنىش رەسىمدەۋگە جانە ت.ب. مۇمكىندىكتەر بەرەدى. بۇدان كەيىن ولار وندىرىستىك تەحنيكالىق ءبولىم, كۇردەلى قۇرىلىس ءبولىمى جۇمىسىمەن تانىستى.
«فيليالدىڭ كەلەشەگى بار, ول ءۇشىن وبلىس باسشىلىعىمەن مەموراندۋم بەكىتىلگەن. بىزگە وبلىستىق ءماسليحات دەپۋتاتتارى بيزنەس ءوزىنىڭ ينۆەستيتسيالىق باعدارلاماسىن بولجاۋ ءۇشىن جىلىنا ءبىر رەتتەن كەم ەمەس تاريفتەردى وزگەرتۋدى قاراستىرۋ تۋرالى ءوتىنىش ءبىلدىردى», - دەدى كەزدەسۋ قورىتىندىسى بويىنشا گلەب ششەگەلسكي.
كەلەسى كەزەكتە دەپۋتاتتار قۋاتتىلىعى ساعاتىنا 30 مىڭ تەكشە مەتر اۆتوماتتاندىرىلعان گاز تاراتۋ ستانساسىنا ات باسىن بۇردى. العاداعى گاز تاراتۋ ستانساسى ەكى جۇما بۇرىن پايدالانۋعا بەرىلگەن. دەپۋتاتتاردىڭ پىكىرىنشە, بۇل نىسان ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بەلگىلەنگەن مىندەتتەرگە تولىعىمەن جاۋاپ بەرەدى.
