پارلامەنت جوعارعى پالاتاسىنىڭ وتكەن جىلعى زاڭ شىعارۋ قىزمەتىنىڭ قورىتىندىسى كەزدەسۋدەگى اڭگىمەنىڭ باستى تاقىرىبى بولدى. م.كوبەنوۆ پەن ن.نۇرسيپاتوۆ پرەزيدەنتتىڭ بىرقاتار وكىلەتتىكتەرىن زاڭ شىعارۋ جانە اتقارۋشى بيلىك تارماقتارىنا بەرۋدى كوزدەيتىن كونستيتۋتسيالىق رەفورمالار تۋرالى اڭگىمەلەدى. اتا زاڭعا ەنگىزىلگەن تۇزەتۋلەرگە ادام قۇقىقتارىن قورعاۋ ماسەلەلەرى دە قامتىلدى, سوت جۇيەسى مەن پروكۋراتۋرا قىزمەتىنىڭ كونستيتۋتسيالىق نەگىزدەرى ناقتىلاندى.
سەناتورلار بىرقاتار قۇقىقتىق اكتىلەرگە ەنگىزىلگەن اكىمشىلىك جانە قىلمىستىق زاڭنامانى ىزگىلەندىرۋگە باعىتتالعان وزگەرىستەر تۋرالى كەزدەسۋگە قاتىسۋشىلاردى حاباردار ەتتى.
م.كوبەنوۆ پەن ن.نۇرسيپاتوۆ كەزدەسۋگە قاتىسۋشىلاردىڭ ساۋالدارىنا جاۋاپ بەرىپ, ەرتىس وڭىرىندە زاڭدىلىقتى قامتاماسىز ەتۋ جونىندەگى جۇمىستاردى جەتىلدىرۋدىڭ كەلەشەگىن تالقىلادى.
