قاراقيا اۋداندىق سوتىندا ءازىربايجان رەسپۋبليكاسىنىڭ 79 ازاماتىنا قاتىستى اكىمشىلىك ءىس قارالدى.
سوتتا انىقتالعانداي, قۇقىق بۇزۋشىلار ءازىربايجان رەسپۋبليكاسىنىڭ ازاماتتارى بولا تۇرا, قازاقستان رەسپۋبليكاسىنا «جەكە ساپار» ماقساتىندا كەلىپ, ىشكى ىستەر بولىمىنە ۋاقىتشا تىركەلىپ, كوشى-قون كارتوچكاسىنا قىزمەتكە ورنالاسۋ تۋرالى رۇقسات بەلگى سوقتىرماي, كوشى-قون زاڭناماسىن بۇزىپ, قازاقستان رەسپۋبليكاسى اۋماعىنداعى قۇرىق سەلوسىنداعى «ەنەرگوموست LTD» جشس-دە زاڭسىز جۇمىس جاساعان.
سوت قاۋلىسىمەن ءازىربايجان رەسپۋبليكاسىنىڭ 79 ازاماتى قازاقستان رەسپۋبليكاسى اقبتك-ءنىڭ 517-بابىنىڭ ء ار ءتۇرلى بولىگىمەن (شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) كىنالى دەپ تانىلىپ, 69 ازاماتقا 25 ايلىق ەسەپتىك كورسەتكىش مولشەرىندە, ارقايسىسىنا 56 725 تەڭگە مولشەرىندە اكىمشىلىك ايىپپۇل جازاسى تاعايىندالدى. 10 ازاماتقا 3 تاۋلىك مەرزىمگە اكىمشىلىك قاماققا الۋ جازاسى قولدانىلىپ, ولار قازاقستان رەسپۋبليكاسىنىڭ شەگىنەن اكىمشىلىك جولمەن شىعارىلدى. سوت قاۋلىسى زاڭدى كۇشىنە ەنبەگەن, دەپ حابارلادى رەداكتسيا تىلشىسىنە قاراقيا اۋداندىق سوتىنىڭ ءباسپاسوز قىزمەتى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
