مەملەكەت باسشىسى وتكەن جىلعى يندۋستريالاندىرۋ كۇنىنە ارنالعان تەلەكوپىر بارىسىندا وڭىرىمىزدە جاڭادان قۇرىلعان قوسپالى اليۋمين ءوندىرىسىن جانە وسى اليۋميننەن اۆتوموبيل ديسكىلەرىن جاساپ شىعاراتىن زاۋىتتى ىسكە قوسقان-دى.
«قوسپالى اليۋميننەن اۆتوموبيل ديسكىلەرىن جاساۋدى قولعا الدىق. بۇل باسى عانا. ەندى اليۋمين ءوندىرىسىن ارى قاراي دامىتۋ قاجەت», - دەگەن بولاتىن ەلباسى.
زاۋىتقا 5 ملردقا جۋىق ينۆەستيتسيا تارتىلدى. كاسىپورىن وكىلدەرىنىڭ ايتۋىنشا, «Giessenhaus» جشس جىلىنا 1 ميلليونعا جۋىق اليۋمين ديسكىسىن شىعارۋدى جوسپارلاۋدا. الداعى ۋاقىتتا كاسىپورىن تولىق قاجەتتى تەحنيكامەن جابدىقتالادى. قازىر 20 جۇمىسشى ەڭبەك ەتۋدە. كاسىپورىنعا «قازاقستان ەلەكتروليز زاۋىتى» اق تان جىلىنا 54 مىڭ توننا اليۋمين تاسىمالدانادى.
ءماجىلىس دەپۋتاتتارى تولىق قۋاتىمەن ىسكە قوسىلعاندا كاسىپورىن ەل ەكونوميكاسىنا ۇلەس قوساتىنىن, اليۋمين ديسكىلەرىن ءوندىرۋ – ەكسپورتقا شىعارىلاتىن بىرەگەي جوبا ەكەنىن اتاپ ءوتتى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
