اتالعان كاسىپورىننىڭ قۇرىلعانىنا بيىل 20 جىل تولىپ وتىر. «كەگوك» اكتسيونەرلىك قوعامى ەل ومىرىندە شەشۋشى رولگە يە قۇرىلىمداردىڭ ءبىرى. كومپانيا ءوزى قۇرىلعان 20 جىلدىڭ ىشىندە ەلىمىزدەگى ەلەكتر تورابىن تۇتاستاي دەرلىك جاڭعىرتتى. جوعارى كەرنەۋلى وسىناۋ جەلىلەر قازاقستاننىڭ بىرىڭعاي ەلەكتر جۇيەسىنە قىزمەت ەتىپ, ميلليونداعان تۇرعىندارعا, الەۋمەتتىك نىساندار مەن زاۋىتتارعا ەلەكتر قۋاتىن جەتكىزىپ وتىر. وسى جەلىلەردىڭ ىشىندە ستراتەگيالىق ماڭىزعا يە جوبالاردىڭ ءبىرى – «سولتۇستىك – وڭتۇستىك» ەلەكتر جەلىسى. ۇجىم قىزمەتكەرلەرىمەن كەزدەسكەن ءوڭىر باسشىسى سالا ماماندارىن مەرەكەمەن قۇتتىقتاپ, وڭىرلىك ديسپەتچەرلىك ورتالىقتىڭ جۇمىسىنا ساتىلىك تىلەدى.
وڭتۇستىك قازاقستان وبلىسىندا ەلباسىمىز بەكىتكەن «جاسىل ەكونوميكاعا كوشۋ» كونتسەپتسياسى ناتيجەلى ورىندالۋدا. اتالعان كونتسەپتسياعا ساي بيىلعى جىلى سايرام, قازىعۇرت اۋداندارىندا ەكى شاعىن سۋ ەلەكتر ستانتسياسى ەل يگىلىگىنە بەرىلدى. سونداي-اق, شىمكەنت قالاسىنان ورتا ازيادا تەڭدەسى جوق بيوگاز قوندىرعىسى كەشەنى ىسكە قوسىلدى. بۇدان بولەك, سارىاعاش جانە ماقتاارال اۋداندارىندا ەكى ءىرى كۇن ەلەكتر ستانتسيالارىنىڭ قۇرىلىس جۇمىستارى باستاۋ الدى.
2018 جىلى تولەبي اۋدانىندا قۋاتى 2,5 مەگاۆاتت شاعىن سۋ ەلەكتر ستانتسياسى پايدالانۋعا بەرىلەدى. ودان بولەك, سارىاعاش اۋدانىندا جالپى قۋاتى 5 مەگاۆاتت شاعىن سۋ ەلەكتر ستانتسياسى مەن وتىرار اۋدانىندا قۋاتى 35 مەگاۆاتت كۇن ەلەكتر ستانتسياسىنىڭ قۇرىلىسىن جۇرگىزۋ جوسپارلانىپ وتىر.
ايتا كەتەيىك, 2017-2021 جىلدارعا ارنالعان وبلىستىڭ ەلدى مەكەندەرىن ساپالى ەلەكتر ەنەرگيامەن قامتۋدىڭ كەشەندى ءىس-شارا جوسپارى ازىرلەنگەن بولاتىن. وسى جوسپارعا سايكەس 2021 جىلعا دەيىن وڭىرىمىزدەگى 361 مىڭ 990 تۇرعىنى بار 198 ەلدى مەكەندى ساپالى ەلەكتر ەنەرگياسىمەن قامتۋ كوزدەلگەن. سونىمەن قاتار, 14 ءىرى قوسالقى ستانتسيالاردىڭ قۇرىلىسىن جۇرگىزۋ ءىسى قولعا الىنعان بولاتىن. وسى باعىتتارعا 2017 جىلى رەسپۋبليكالىق, وبلىستىق بيۋدجەتتەردەن 15,1 ملرد. تەڭگە ءبولىنىپ, 59 نىساننىڭ (101 ەلدى مەكەندەردە) قۇرىلىس جۇمىستارى جۇرگىزىلۋدە. سونىڭ ىشىندە «نۇرلى جەر» باعدارلاماسىمەن سارىاعاش اۋدانىنداعى 15 جوباعا ۇلتتىق قوردان 2 320,3 ملن. تەڭگە بولىنگەن. بيىلعى جىلى 47 نىساننىڭ قۇرىلىسى اياقتالسا, 12 نىساننىڭ قۇرىلىسى 2018 جىلى اياقتالادى دەپ كۇتىلۋدە. اتالعان جوبالار تولىق جۇزەگە اسقاندا 85 ەلدى مەكەندەگى 87 مىڭنان استام تۇرعىن ساپالى ەلەكتر ەنەرگيامەن قامتىلاتىن بولادى.
2018 جىلى جوباسى دايىندالعان جالپى قۇنى 8,5 ملرد. تەڭگەنى قۇرايتىن 110 كيلوۆولتتىق "الاتاۋ" جانە "اقجار" قوسالقى ستانتسيانىڭ قۇرىلىسىن مەملەكەتتىك-جەكەمەنشىك ارىپتەستىك اياسىندا جۇزەگە اسىرۋ جوسپارلانۋدا.
