مەكتەپتەگى 52 ۇستاز ساباق بەرە وتىرىپ, كريتەريالدى باعالاۋدى وقۋ ۇدەرىسى كەزىندە نەعۇرلىم ءتيىمدى ۇيىمداستىرۋدىڭ تاسىلدەرىن كورسەتتى. وقۋشىلاردىڭ وقۋداعى جەتىستىكتەرىن قامتاماسىز ەتۋ ارقىلى ولاردى تابىستى وقۋعا ىنتالاندىرۋ وسى «اشىق ەسىك كۇنىنىڭ» باستى ماقساتى بولدى. اتا-انالار ءوز بالالارىنىڭ بىلىمىندەگى ولقىلىقتاردى انىقتاۋعا جانە وسىعان وراي ۇستازدارمەن بىرگە جۇمىس ىستەۋگە دايىن بولدى.
– ءبىز وقۋشىلاردىڭ ساباق وقۋعا دەگەن ىنتاسىن ارتتىرۋدىڭ جاڭا تالاپتارىن قولدايمىز,-دەيدى اتا-انا گۇلناز بەيسەنبەكوۆا,- بۇل وقىتۋدىڭ ىزگىلىكتى جولى ەكەندىگىن بايقادىق. ەشقانداي ۇرىس-كەرىس جوق. بالا تەك باعاعا عانا ەمەس, بىلىمگە ۇمتىلادى. مەكتەپ ۇيلەستىرۋشىسى الماگۇل كۇرماشەۆا باعالاۋدىڭ جاڭا جۇيەسىنىڭ ماقساتىن بىزگە كەڭىنەن ءتۇسىندىرىپ بەردى. كوكەيدە جۇرگەن ساۋالدارىمىزعا جاۋاپ الدىق. ەندى وقۋشىلاردىڭ وقۋعا دەگەن ىنتاسىن ودان ءارى نىعايتۋ, زەرتتەۋ-يننوۆاتسيالىق تەحنولوگيامەن دە بايلانىستى بولماق. مەكتەپتە وتكەن تاجىريبەلىك ترەنينگتە ۇيرەتۋشى ۇستاز ش.نۋگۋسپانوۆا شەبەرلىك سىنىپتارىن وتكىزدى. ول وسكەمەن قالاسىنان ارنايى ترەنينگتىك ءبىلىم الىپ كەلگەن ەكەن. ءبىزدىڭ مەكتەپ ۇجىمىنا دەگەن ريزاشىلىعىمىز زور.
راۋشان نۇعمانبەك,
سۋرەتتى تۇسىرگەن اۆتور
سەمەي.
