اكىم «سپارتا نوماد» كومانداسىن جەڭىسىمەن قۇتتىقتاپ, ولارعا ەستەلىك سىيلىقتارىن تابىستادى.
«بيىلعى جىل «سپارتا – نوماد» كومانداسى ءۇشىن تابىستى بولدى. العاش رەت قازاقستاندىق ويىنشىلار كوڭىلدى تاپقىرلار كلۋبى ويىندارىنىڭ جوعارعى ليگاسىنىڭ چەمپيوندارى اتانىپ, ەلوردامىزعا ويىننىڭ ەڭ باستى كۋبوگىن الىپ كەلدى. ءبىز سەندەردى ماقتان تۇتامىز», دەدى اسەت يسەكەشەۆ.
ءوز كەزەگىندە توپ باسشىسى دانيار ءجۇمادىلوۆ اكىمدىكتىڭ قولداۋىنا العىسىن ايتىپ, قازاقستاندىق كوماندانىڭ جەڭىستى كوپتەن كۇتكەنىن اتاپ ءوتتى.
«وتاندىق كوماندالار كوڭىلدى تاپقىرلار كلۋبىنىڭ ويىندارىنا 1999 جىلدان بەرى قاتىسىپ كەلدى. جەڭىسكە جەتۋ ءۇشىن ءبىز كوپ جۇمىس ىستەدىك, ىزدەندىك. چەمپيوندىقتى 17 جىل كۇتتىك. ءبىزدىڭ جەڭىمپاز اتانعانىمىز تۋرالى حاباردى جيىلعان جۇرت جىلى قابىلداپ, زور قوشەمەت كورسەتتى», دەدى دانيار ءجۇمادىلوۆ.
ەستەرىڭىزگە سالايىق, كوڭىلدى تاپقىرلار كلۋبى ويىندارىنىڭ جوعارعى ليگاسىنىڭ سوڭعى بايقاۋى اعىمداعى جىلدىڭ 15 جەلتوقسانىندا ماسكەۋ قالاسىنداعى رەسەي اسكەرى تەاترىندا وتكەن بولاتىن. ويىننىڭ تەلە كورسەتىلىمى 30 جەلتوقساندا تارالادى.
