24 جاستاعى مارياش ەسىمدى كەلىنشەك الاياقتىق جولمەن 31 ادامدى الداپ, 71 ميلليون تەڭگەنى قالتاعا باسقانى ءۇشىن اباقتىعا قامالعاندا ادەمى ەكى جاستا, ايدانا ءتورت ايدا قالعان. ول تۇرمەدەن بوساعان سوڭ بالالاردى ءوز ەركىڭمەن بەر دەپ بىرنەشە رەت تالاپ ەتكەنىمەن مۇنىسىنان تۇك ونبەسىن ءبىلىپ, سوتقا جۇگىنگەن. سوت ورىنداۋشىلار مەن ءتارتىپ ساقشىلارىنان قۇرالعان توپ پاتەرگە كەلىپ, سوت شەشىمىن كۇشتەپ ورىنداۋعا كىرىسكەندە اكەسىنەن ءبىر ەلى اجىراماعان بۇلدىرشىندەر ءۇيدى باسىنا كوتەرىپ, ق ۇلىن داۋسى شىرقىراي شىققاندا كورشىلەردىڭ ساي-سۇيەگىن سىرقىراتتى. انالارى اباقتىعا توعىتىلعاندا ەستەرى كىرە قويماعان ەكەۋى ونى مۇلدەم بوتەن ادامعا جورىپ, زارە-قۇتتارى قالماي ازار دا بەزەر بولدى.
سوت ورىنداۋشى اندرەي ۆاحرامەەۆتىڭ ايتۋىنشا, زاڭ تالاپتارى بويىنشا بالالار اناسىمەن بىرگە تۇرۋعا مىندەتتى. سوت شەشىمى شىققاندىقتان كۇشتەپ الۋعا تولىق قاقىلارى بار.
بوستاندىقتىڭ تازا اۋاسىن جۇتقان كەلىنشەك بولسا كىناسىن تۇسىنگەنىن, اباقتىدا تىگىنشى ماماندىعىن يگەرگەنىن, جۇمىسقا ورنالاساتىنىن, قىزدارىن تاربيەلەي الاتىنىن العا تارتادى.
سابيلەردىڭ جانۇشىرا قارسىلاسقاندارىنا قاراماستان اقىرى الىپ كەتتى. كوز جاسىنا ەرىك بەرگەن اكە جالعىز قالا بەردى.
ء ومىر ەسقالي,
«ەگەمەن قازاقستان»
سولتۇستىك قازاقستان وبلىسى
