30 سەكۋند
الەمدەگى ەڭ قىسقا پەسا يرلانديالىق دراماتۋرگ, نوبەل سىيلىعىنىڭ لاۋرەاتى سەميۋەل بەككەتتىڭ قالامىنا تيەسىلى («دەم», 1969). «دەم» پەساسى كەننەت تايناننىڭ «و, كالكۋتتا» اتتى تەاتر شوۋىنا ارناپ جازىلعان بولاتىن. دۇنيە ەسىگىن ەندى اشقان ءسابيدىڭ العاشقى دەمى مەن ومىرمەن قوشتاسقان قارتتىڭ سوڭعى دەمىنەن تۇراتىن پەسانىڭ ۇزاقتىعى 30 سەكۋند قانا.
26 ساعات 30 مينۋت
بريتانييالىق دراماتۋرگ دجون اردەننىڭ «كوننوليدىڭ دامىلسىز شوۋى» پەساسى 1975 جىلى دۋبليندە ساحنالانعان. پەساسىنىڭ ۇزاقتىعى 26 ساعات 30 مينۋت. دجون اردەننىڭ شىعارماشىلىق عۇمىرىندا جاڭا كەزەڭنىڭ باسى بولىپ ەسەپتەلەتىن بۇل پەساسى اعىلشىن دراماتۋرگياسىنداعى ساياسي-الەۋمەتتىك درامانىڭ نەگىزىن قالاعان.
رەپەرتۋاردا – 49 جىل
اگاتي كريستيدىڭ «تۇزاق» قويىلىمى 1952 جىلى 25 قاراشادا العاش رەت قويىلىپ, 2001 جىلدىڭ 23 ساۋىرىنە دەيىن رەپەرتۋاردان تۇسپەگەن. لوندونداعى قاسيەتتى مارتين تەاترىندا 126 رەت ساحنالانعان پەسانى 49 جىلدا 10 ميلليوننان استام كورەرمەن تاماشالاپ, 33,3 ميلليون دوللار تابىس اكەلىپتى.
