كەزدەسۋ بارىسىندا WEB-ءتى حالىقارالىق ۇكىمەتتىك ەمەس ۇيىمنان حالىقارالىق ۇكىمەتارالىق ۇيىمعا تۇرلەندىرۋ, سونداي-اق قازاقستان ورتالىق سايلاۋ كوميسسياسى مەن دۇنيەجۇزىلىك سايلاۋ ورگاندارى قاۋىمداستىعى اراسىنداعى ەلىمىزدەگى سايلاۋدى باسقارۋدى جاقسارتۋ, داۋىس بەرۋ جانە داۋىستاردى ساناۋ سالاسىنداعى ىنتىماقتاستىق ماسەلەلەرى تالقىلاندى.
وسك توراعاسى بەرىك يماشەۆ قازاقستاننىڭ ورتالىق سايلاۋ كوميسسياسى 2013 جىلدىڭ قازان ايىنان باستاپ A-WEB-ءتىڭ ينستيتۋتتىق مۇشەسى بولىپ تابىلاتىنىن, وسك-نىڭ اتالعان قاۋىمداستىقتىڭ مۇشەسى بولا بەرۋگە مۇددەلى ەكەنىن, A-WEB-قا قاتىسۋ وسك-نىڭ جاھاندىق سايلاۋ پروتسەستەرىنە اتسالىسۋىنا, دەموكراتيالىق سايلاۋ وتكىزۋدە وڭ تاجىريبە جيناقتاۋعا مۇمكىندىك بەرەتىنىن ايتتى.
A-WEB باس حاتشىسى يونگ-حي كيم قاۋىمداستىقتىڭ الەمدەگى, سونىڭ ىشىندە تمد ەلدەرىندەگى وقىتۋ ورتالىقتارى جەلىلەرىن قۇرۋ بويىنشا جانە قازاقستانداعى سايلاۋ ۇدەرىستەرىندە IT-تەحنولوگيالاردى پايدالانۋ جونىندە ءسوز قوزعادى.
سونداي-اق ب.يماشەۆ سايلاۋ پروتسەستەرىن تسيفرلى فورماتقا كوشىرۋ ماقساتىندا (سونىڭ ىشىندە سايلاۋشىلار ءتىزىمى) وسك-نىڭ «تسيفرلى قازاقستان» مەملەكەتتىك باعدارلاماسىنا قوسىلعانىن جەتكىزدى.
2017 جىلعى ماۋسىمدا قازاقستان پارلامەنتى سەناتىنىڭ دەپۋتاتتارىن سايلاۋ كەزىندە تۇڭعىش رەت سايلاۋشىلاردى ەلەكتروندى تىركەۋ جۇيەسى اپروباتسيالانعان بولاتىن. بۇل داۋىس بەرۋ جانە ونى قورىتىندىلاۋ پروتسەسىنىڭ اشىقتىعى مەن دالدىگىن قامتاماسىز ەتتى.
كەزدەسۋ سوڭىندا تاراپتار ىنتىماقتاستىقتى جالعاستىرۋعا جانە ءتيىمدى ىسكەرلىك بايلانىستار ورناتۋعا دايىن ەكەندىكتەرىن ءبىلدىردى.
ايتا كەتەيىك, ا-WEB الەمدەگى 104 مەملەكەتتىڭ ورتالىق سايلاۋ ورگاندارىن بىرىكتىرەتىن حالىقارالىق ۇيىم بولىپ تابىلادى.
