سۋرەتتى تۇسىرگەن ەرلان ومار, «ەگەمەن قازاقستان»
جيىندا ءسوز سويلەگەن گ.ابدىقالىقوۆا جاستار ساياساتى «قازاقستان-2050» ستراتەگياسىنىڭ نەگىزگى ماقساتىنىڭ ءبىرى ەكەنىن اتاپ ءوتتى. ونىڭ ايتۋىنشا, قازىرگى تاڭدا ەلىمىزدە جۇيەلى وزگەرىستەر ءجۇرىپ جاتىر.
«مەملەكەت باسشىسى ء«بىزدىڭ جاستارىمىز وقۋعا, جاڭا عىلىم مەن ءبىلىمدى يگەرۋگە, جاڭا ماشىقتار الۋعا, ءبىلىم مەن تەحنولوگيانى كۇندەلىكتى ومىردە شەبەر دە ءتيىمدى پايدالانۋعا ءتيىس. ءبىز بۇل ءۇشىن بارلىق مۇمكىندىكتەردى جاساپ, ەڭ قولايلى جاعدايلارمەن قامتاماسىز ەتۋىمىز كەرەك», دەپ اتاپ وتكەن بولاتىن. ەلىمىزدە ەكونوميكانىڭ جاڭا مودەلىن قالىپتاستىرۋعا, ساياسي رەفورمالاۋعا جانە قوعامدىق سانانى جاڭعىرتۋعا باعىتتالعان ەلدىڭ ءۇشىنشى جاڭعىرۋى جۇزەگە اسىرىلىپ جاتىر. وسى اسا ماڭىزدى ۇدەرىستە ۇلت بولاشاعى – جاستارعا ەرەكشە كوڭىل ءبولىنىپ وتىر», دەدى گ.ابدىقالىقوۆا.
وتىرىستا جاستاردى, سونىڭ ىشىندە اۋىل جاستارىن جۇمىسپەن قامتۋ جانە ورنالاستىرۋ بويىنشا مەملەكەتتىك شارالار تۋرالى ءدىن ىستەرى جانە ازاماتتىق قوعام, ەڭبەك جانە حالىقتى الەۋمەتتىك قورعاۋ, ۇلتتىق ەكونوميكا, ءبىلىم جانە عىلىم مينيسترلەرىنىڭ باياندامالارى تىڭدالدى.
ءىس-شارادا كەلتىرىلگەن اقپاراتقا سۇيەنسەك, بۇگىندە ەلىمىزدە 2,12 ميلليون بەلسەندى جاس بار. سونىڭ 2 ميلليونعا جۋىعى جۇمىسپەن قامتىلعان. ياعني, جاستار اراسىنداعى جۇمىسسىزدىق دەڭگەيى 4 پايىزدى قۇراپ وتىر.
جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ ىسكە اسىرىلۋى ناتيجەسىندە تەحنيكالىق جانە كاسىپتىك ءبىلىم الۋعا 21 مىڭ جاس جولدانعان. ال 30 مىڭنان استام وسكەلەڭ ۇرپاق قىسقا مەرزىمدى كاسىپتىك ءبىلىم الدى. باعدارلاما اياسىندا 1,1 مىڭ ادامعا شاعىن نەسيە بەرىلدى. جالپى, وسى جوبانىڭ ورىندالۋى بارىسىندا 163,6 مىڭ جاس جۇمىسپەن قامتىلدى.
كەڭەس مۇشەلەرى جاستار ساياساتى جونىندەگى كەڭەستىڭ 2018 جىلعا ارنالعان جۇمىس جوسپارىن ماقۇلدادى. وتىرىس قورىتىندىسى بويىنشا مەملەكەتتىك حاتشى جاستاردى جۇمىسپەن قامتۋ جانە الەۋمەتتىك قولداۋ ماسەلەلەرى بويىنشا بىرقاتار تاپسىرما بەردى.
اباي اسانكەلدى ۇلى,
«ەگەمەن قازاقستان»
