سۋرەتتى تۇسىرگەن ەرلان ومار, «ەگەمەن قازاقستان»
سونىمەن قاتار «تاۋەلسىزدىك داۋىرىندە» نۇرسۇلتان نازارباەۆ الەم ەلدەرى كوشباسشىلارىمەن قالاي كەزدەسكەنى تۋرالى, ولاردىڭ قازاقستان تۋرالى نە ايتقانىن ەسىنە الىپ, مەملەكەتىمىزدىڭ دامۋىنا الەم كوشباسشىلارىنىڭ قالاي اسەر ەتكەنىن جازادى. ەرەكشە ايتىپ وتكىم كەلگەنى, بۇل كىتاپتا پرەزيدەنت قازاقستاننىڭ جاڭا تاريحىن ءۇش جاڭعىرۋ كەزەڭىنىڭ پريزماسى ارقىلى قاراستىرادى.
وزدەرىڭىز بىلەتىندەي, قازاقستاننىڭ ءۇش جاڭعىرۋ كەزەڭى بار. ءبىرىنشى جاڭعىرۋ كەزەڭى 1990 جىلداردىڭ باسىندا – 1991-1995 جىلدارى بولدى. 1996-1999 جىلدار ارالىعى – ەكىنشى جاڭعىرۋ كەزەڭى. بۇل كەزەڭدە قازاقستان نارىقتىق ەكونوميكاعا كوشىپ, ستراتەگيالىق ماقساتتار قويىپ, ناقتى جوسپارلاۋعا كوشتى. «قازاقستان-2030» ستارتەگياسى سونىڭ ايعاعى. ءۇشىنشى جاڭعىرۋ 2000 جىلدارى باستالدى. بۇل جىلدارى ەكونوميكا دامىدى, ەكونوميكانىڭ بارلىق سالالارى ءوستى. قازاقستان حالىقارالىق ۇيىمدارعا مۇشە بولا باستادى. بۇل سىرتقى ساياساتتاعى ۇلكەن جەتىستىكتەرىمىزگە اينالدى. قازىر قازاقستان پرەزيدەنتى الدىمىزعا جاڭا مىندەتتەر قويدى. ونىڭ باستىسى – الەمنىڭ ەڭ دامىعان 30 ەلىنىڭ قاتارىنا قوسىلۋ. مىنە, كىتاپتا وسىنىڭ بارلىعى جان-جاقتى, كەڭ اۋقىمدا تالدانعان.
مەنىڭ ويىمشا, كىتاپ قازاقستاننىڭ جاڭا تاريحى تۋرالى دايىن وقۋلىق. بۇل پرەزيدەنتتىڭ بارلىق جاستار مەن ستۋدەنتتەرگە تاۋەلسىزدىك كۇنىنە ارنايى جاساعان ۇلكەن سىيلىعى. بۇل ونىڭ جەكە ەستەلىكتەرى, جازبالارى, جەتەكشى ساياساتكەرلەرمەن كەلىسسوزدەرى توپتاستىرىلعان ۇلكەن ەڭبەك. تاۋەلسىزدىكتىڭ نە ەكەنىن تۇسىنگىسى كەلگەن ادام, تاۋەلسىزدىكتىڭ نىعايۋىن تۇسىنگىسى كەلگەن ادام مىندەتتى تۇردە وسى كىتاپتى وقۋى كەرەك دەپ ويلايمىن.
عاني نىعمەتوۆ,
ەۋرازيالىق ينتەگراتسيا ينستيتۋتىنىڭ ديرەكتورى
