سايىستىڭ ماقساتى - ءوڭىردىڭ ەكونوميكالىق, الەۋمەتتىك, رۋحاني دامۋىنا ۇلەسىن قوسىپ, ەلدىڭ تىنىس-تىرشىلىگىنە كومەگىن تيگىزىپ وتىرعان ازاماتتاردىڭ ەڭبەگىن باعالاپ, ارنايى ماراپاتتار ارقىلى مەرەيىن ءوسىرىپ, قاناتتاندىرۋ.
بايقاۋعا ماڭعىستاۋ وبلىسىندا تۇراقتى تۇراتىن, جىل بويى ۇزدىكسىز ەڭبەك ەتكەن, ءوز سالاسىنىڭ مايتالماندارى قاتىستى.
كونكۋرسقا ءوڭىردىڭ ءار تۇكپىرىنەن 1 قاراشا مەن 10 قاراشا ارالىعىندا 50-گە جۋىق ءوتىنىش كەلىپ تۇسكەن. سايىستىڭ 1-كەزەڭىندە ۇمىتكەرلەردى ساراپتاۋ كوميسسياسى ىرىكتەگەن بولاتىن. ال, 2-كەزەڭدە ۇيىمداستىرۋ القاسى جەڭىمپازداردى ءار نوميناتسيا بويىنشا انىقتاعان.
وسى جىلى «جىل ادامى-2017» اتاعىنا 19 ۇمىتكەر لايىق دەپ تانىلدى. ءار نوميناتسيا جەڭىمپازدارىنا ديپلوم, ەستەلىك سىيلىعى مەن اقشالاي قاراجات تابىستالدى.
شارادا بارىسىندا ايماق باسشىسى ەرالى توعجانوۆ: «بارشاڭىزدى ەلىمىزدىڭ ايتۋلى مەرەكەسى تاۋەلسىزدىك كۇنىمەن قۇتتىقتايمىن! ەلباسىمىز ايتقانداي, «ەل قۋاتتى بولماي, باق تۇراقتى بولمايدى. تۇراقتىلىق - بىرلىك پەن تاتۋلىق بولعان جەردە عانا جۇرەدى». ەگەمەن ەلدىڭ ورلەۋى مەن وركەندەۋىنە ولشەۋسىز ۇلەس قوسىپ, ازات ەلدىڭ اياعىنا نىق تۇرۋىنا اتسالىسقان ازاماتتاردىڭ عيبراتتى عۇمىرى بۇعان دالەل بولماق. ء«ىسى كەنەۋلىنىڭ ەڭبەگى ەلەۋلى" دەيدى دانا xالقىمىز. سان سالاعا سەرپىن بەرىپ, تىڭ تىنىس اكەلگەن, زور قاجىر-قايرات, ەرەكشە ەرىك-جىگەر تانىتقان ەڭبەكقور جاندار ەسىمى ەل جادىندا ماڭگى جاڭعىرماق. ەل يگىلىگى ءۇشىن ەڭبەك ەتۋ – اسىل ءىس. وسى ورايدا, ءبىزدىڭ وڭىردە بىلىكتى دە بىلگىر, باسەكەگە قابىلەتتى ءوز ءىسىنىڭ شەبەرلەرىن سىي-قۇرمەتكە بولەۋ – بىرنەشە جىلدان بەرگى يگى ءداستۇر. بۇل ءداستۇر ادال ەڭبەكپەن ابىرويلى ىسكە باس بولعان جانداردى جاڭا تابىستارعا ىنتالاندىرىپ, وسكەلەڭ ۇرپاقتى وتانسۇيگىشتىك قاسيەتكە باۋليتىن ونەگە بولارى انىق»,- دەدى.
ماراپاتتاۋ راسىمىنەن سوڭ ماڭعىستاۋ وبلىسىنىڭ اكىمى ەرالى توعجانوۆ ايتۋلى «مەن قازاقپىن» جوباسىنىڭ جەڭىمپازى وسپان قۇلسىماققا ات مىنگىزدى.
«جىل مۇعالىمى» - بەينەۋ پوليتەحنيكالىق كوللەدجى, «كومپيۋتەر قۇرىلعىلارىنا قىزمەت كورسەتۋ تەحنيگى» ماماندىعىنىڭ ارنايى ءپان مۇعالىمى ەلمۇرات اياپوۆ;
«جىل تاربيەشىسى» - قاراقيا اۋدانى, «بولاشاق» بالاباقشاسىنىڭ تاربيەشىسى گۇلايىم بولتەكوۆا;
«جىل عالىمى» - ش. ەسەنوۆ اتىنداعى كمتجيۋ «فيزيكا جانە ماتەماتيكا» كافەدراسىنىڭ مەڭگەرۋشىسى, پەداگوگيكا عىلىمدارىنىڭ كانديداتى اسىل كاساەۆا;
«جىل دارىگەرى» - «جاڭاوزەن قالالىق ورتالىق اۋرۋحانا» شجق مكك, جان ساقتاۋ ءبولىمىنىڭ مەڭگەرۋشىسى امانباي ورىناليەۆ;
«جىل مەدبيكەسى» - تۇپقاراعان اۋداندىق ورتالىق اۋرۋحاناسىنىڭ ۋچاسكەلىك مەيىربيكەسى قاتيرا ەپەنوۆا;
«جىلدىڭ ۇكىمەتتىك ەمەس ۇيىمى» - «ماڭعىستاۋ وبلىستىق ازاماتتىق اليانسى» زتب پرەزيدەنتى جىبەك احمەتوۆا;
«جىل ءجۋرناليسى» - «حابار اگەنتتىگى» اق ماڭعىستاۋ وبلىسىنداعى مەنشىكتى ءتىلشىسى گۇلميرا ابىشەۆا;
«جىل سپورتشىسى» - كاراتە-دودان الەم چەمپيونى, ازيا چەمپيونى, قازاقستان چەمپيوناتىنىڭ بىرنەشە دۇركىن چەمپيونى ەركىنبەك بايتورەەۆ;
«جىل پوليتسەيى» - جاڭاوزەن قالالىق ىشكى ىستەر باسقارماسى, تەرگەۋ ءبولىمىنىڭ اعا تەرگەۋشىسى, پوليتسيا مايورى نۇرجان شۇرەنوۆ;
«جىلدىڭ مادەنيەت جانە ونەر قىزمەتكەرى» - قازاقستاننىڭ ەڭبەك سىڭىرگەن قايراتكەرى, م. وسكىنباەۆ اتىنداعى فيلارمونياسى ۇلت اسپاپتار وركەسترىنىڭ كوركەمدىك جەتەكشىسى, ءارى باس ديريجەرى راحات مادرەەۆ;
«جىل فەرمەرى» - بەينەۋ اۋدانى, «بەرگەن بەك» اۋىل شارۋاشىلىعى كووپەراتيۆىنىڭ توراعاسى كەرۋەن قىرىمقۇلوۆ;
«جىل جەبەۋشىسى» - «PRESTIGE» كومپانياسىنىڭ باس ديرەكتورى يرينا بەلياەۆا;
«جىلدىڭ ۇزدىك الەۋمەتتىك قىزمەتكەرى» - مۇنايلى اۋدانى اكىمدىگىنىڭ «حالىقتى جۇمىسپەن قامتۋ ورتالىعى» كمم ديرەكتورى زاۋرەش نۇربولات;
«جىل مۇنايشىسى» - «وزەنمۇنايگاز» اق, ينجەنەرلىك-تەحنولوگيالىق قىزمەت ورتالىعىنىڭ باسشىسى اسىلبەك ايتمامبەتوۆ;
«جىل قۇرىلىسشىسى» - «اكتاۋ نش» جشس ديرەكتورىنىڭ كەڭەسشىسى نۇربەك كۇنشىعاروۆ;
«جىلدىڭ ۇزدىك تۇرعىن ءۇي – كوممۋنالدىق شارۋاشىلىق قىزمەتكەرى» - «ماڭعىستاۋ جىلۋ» مكك, جىلۋمەن, كارىز جۇيەسىمەن قامتاماسىز ەتۋ ۋچاسكەسىنىڭ ۋچاسكە باسشىسى ماقسات قۇلشىقوۆ;
«جىلدىڭ اسكەري قىزمەتكەرى» - «جاعالاۋ كۇزەتى وڭىرلىك باسقارماسى» رمم, اسكەري پسيحولوگ, مايور رۋسلان بايىمبەتوۆ;
«جىل كاسىپكەرى» - «نەيرون» جشس باس ديرەكتورى گۇلشارا چاگاي;
«جىل جانالىعى» - «مەن قازاقپىن» جوباسىنىڭ جەڭىمپازى وسپان قۇلسىماق بولىپ تابىلدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
