تۇماندى البيوندا توپ جارساق جارار ەدى

جاقىندا سەمەي قالاسىندا قا­زاقستاننىڭ ەڭبەك سىڭىرگەن جات­­تىقتىرۋشىسى بولات تۇرلى­­­­قا­­نوۆ مەموريالىنىڭ اياسىندا گرەك-ريم كۇرەسىنەن قر كۋبوگى بولىپ ءوتتى. بۇل ءدۇبىرلى جارىس وسىمەن 17-ءشى رەت ءوتىپ وتىر. لوندون وليم­پيا­داسى الدىن­دا­عى ماڭىزدى جا­رىستى سەمەي قالاسىنىڭ اكىمى ايبەك كارىموۆ اشىپ: حالقى­مىز­دىڭ داڭقتى با­لۋانى داۋلەت تۇر­لىقانوۆتى ءتار­بيەلەپ, باپتاعان بولات اعانى ەسكە الۋعا ارنالعان ەل كۋبوگى جارىسى جىل سايىن تارتىستى وتەدى. بۇل جولى دا كىلەڭ سەن تۇر, مەن اتايىن دەيتىن ساڭلاقتار جي­نالىپ وتىر. جا­رىس­قا قاتىسىپ وتىرعان 149 بالۋان­نىڭ ءبارى مىق­­­تى. ەندەشە سىزدەرگە ساتتىلىك تىلەيمىن. لون­دون وليم­پيا­داسى يەك استىن­دا, قازاق ەلىنىڭ كوك بايراعىن اسقاقتاتا بەرى­ڭىز­دەر – دەدى. – ەركە ەرتىستىڭ بويىنداعى قوس قالا وسكەمەن مەن سەمەيدىڭ ەكونوميكاسى قاتار دامىپ كەلەدى. ەل تاۋەلسىزدىگىنىڭ 20 جىلدىعى قارساڭىندا وبلىس اكىمى ب.ساپارباەۆتىڭ باستاماسىمەن تالاي يگى شارالار ءوتىپ جاتىر. سونىڭ ءبىرى – كەشەدەن بەرى سەمەيدە «تۋعان ەلگە – تاعزىم» اكتسياسى بويىنشا ءوتىپ جاتقان مادەني شارا كۇندەرى. ەكى كۇن بويى سەمەيدى ءان مەن كۇيگە بولەدىك. اۋىل شارۋا­شى­لى­عى جارمەڭكەسى وتۋدە. ال مىناداي ءدۇبىرلى جا­رىس­تى تاماشالاۋدان قالاي تىس قالايىق؟ داۋلەت ءىنىمىزدىڭ اكەسى بولات اعانى جاقسى بىلەمىز, كەزىندە ول كىسى دە سان رەت ەل بىرىنشىلىگىندە توپ جارعان. ەندەشە جاس ۇرپاقتىڭ الاتىن ونەگەسى دە از ەمەس, – دەپ اعىنان جارىلدى وسكەمەن قالاسىنىڭ اكىمى يسلام ابىشەۆ. بۇدان كەيىن وليمپيادا چەمپيونى جاقسىلىق ۇشكەمپىروۆ پەن داۋلەت بولات ۇلى ءسوز الىپ, كۋ­بوك­تى ساراپقا سالۋشى بالۋاندارعا ساتتىلىك تىلەدى. گرەك-ريم كۇرەسىنىڭ بالۋاندارى قازىر وليمپيادا ويىندارىنىڭ ءۇش جولداماسىنا يە. ال ەركىن كۇرەس, قىزدار كۇرەسى بويىنشا بالۋاندار تاعى التى جولدامانى جەڭىپ العان. كەلەر جىلى كوك­تەمدە استانادا ليتسەنزيا بەرەتىن ازيا حالىق­ارا­لىق جارى­سى وتپەك. سول ءدۇبىرلى باسەكەدە تاعى 9 ليتسەنزيانى يەلەنسەك, اسىعىمىز الشىسىنان ءتۇ­سەدى, – دەدى ءداۋ­لەت تۇرلىقانوۆ. بۇدان كەيىن ول باپ­كەر ا.قا­سىم­جانوۆقا قر ەڭبەك سىڭىرگەن جات­تىقتىرۋشىسى اتا­عىن تابىس ەتتى. ال جاق­سىلىق ۇشكەم­پىروۆ ءوزى­نىڭ تۇڭعىش باپكەرى روم يلماتوۆقا اتا سالتىمەن شاپان جاۋىپ, سىي-سياپات جاسادى. سەمەي قالاسىنىڭ ونەرپازدارى اكروباتيكادان ونەر كورسەتىپ, ۇلتتىق ناقىشتا بي بيلەپ, اننەن شاشۋ شاشقان سوڭ جارىس باستالىپ كەتتى. ويدى وي قوزعايدى. باكۋ قالاسىندا وتكەن الەم بىرىنشىلىگىندە گرەك-ريم كۇرەسى بالۋاندارى بىرنەشە مەدالدى يەلەندى. الايدا 1996 جىلى اتلانتا وليمپياداسىنان كەيىن بالۋاندارىمىز التىن القانى تۇستەرىندە عانا كورەتىن بولدى. سول جولى تەك يۋ.مەلنيچەنكو التىنعا قول جەتكىزگەن. ەندەشە لوندوندا سول كەمشىلىكتىڭ ورنىن تولتىرا الامىز با؟ مەملەكەتتىك جاتتىقتىرۋشى جاڭابەرگەن قار­مانداەۆتىڭ ايتۋىنشا, بۇل جولى كۋبوك جارى­سىندا جاستار جارقىراپ كورىنۋى ءتيىس. اقتوبەلىك اسحات قۇدايبەرگەنوۆ, وڭتۇستىكقازاقستاندىق مارات كارىشالوۆ, الماتىلىق القادىل وزتيەۆ, استا­نا­لىق ەلدار قايراتوۆ, تاعى باسقالار بابىندا كو­رى­نەدى. كۇنى ەرتەڭ ولار تۇماندى البيوندا توپ جا­رىپ جاتسا, تاقياعا تار بولماس ەدى. راسىندا دا, اق­تىق سايىستا بەلدەسكەن مارات كارىشالوۆ پەن جاق­سى­لىق ايتباەۆتىڭ تاكتيكالىق شەبەرلىگى مەن ءادىسى تەڭ بولدى دەسەك, قاتەلەسپەيمىز. الايدا مارات ءسال باسىمدىق تانىتىپ, جەڭىسكە جەتتى. ال 66 كيلو سال­ماق­تا ەلدار قايراتوۆ (استانا) الماتى وبلى­سى­نىڭ وكىلى بەلگىلى بالۋان دارحان باياحمەتوۆتەن ءبىر ۇپاي عانا باسىم ءتۇسىپ, چەمپيوندىق اتاقتى قاعىپ كەتتى. دارحان قىزۋقاندىلىق تانىت­قانىمەن سوڭى­نان سا­بىرعا ءتۇسىپ, جەڭىلگەنىن مويىندادى. بۇدان كەيىن ءوز سالماق دارەجەلەرىندە ە.قوڭىراتوۆ, م.ءوز­تي­ەۆ, ا.دىنمۇحامەدوۆ ءتارىزدى بالۋاندار جەڭىمپاز اتاندى. كوماندالىق ەسەپتە ءبىرىنشى ورىندى وڭتۇستىك قازاقستان وبلىسىنىڭ بالۋاندارى يەلەندى. قوس­تاناي جانە الماتى وبلىستارىنىڭ بالۋاندارى ەكىنشى, ءۇشىنشى ورىندارعا تابان تىرەدى. كۋبوك جارىسىنان بايقاعانىمىز, ءبىر كەزدەرى شىعىستىڭ جىگىتتەرى توپ جاراتىن. وسى جولى ءتورتىنشى ور­ىن­عا ارەڭ ىلىكتى. مويىنداۋ كەرەك, اسقار موجانوۆ وب­لىستىق دەنە تاربيەسى جانە تۋريزم باسقار­ما­سىنا جەتەكشىلىك ەتكەن تۇستا تالاي تالانتتى بالۋاندار, ءتىپتى باسقا سپورت تۇرلەرى ماماندارى مەن تالانتتى تارلاندار كۇنكورىس قامىمەن باسقا وڭىرلەرگە اۋىسىپ كەتتى. بۇل كەمشىلىكتىڭ ورنىن باسقارمانىڭ جاڭا باستىعى مارات سۇلەيمەنوۆ تولتىرادى دەگەن ويدامىز. وعان ماراتتىڭ شەبەرلىگى مەن بىلىكتىلىگى جەتەدى. – شىنىندا دا, كوپتەگەن سپورتشىلار باسقا جاق­قا ءتۇرلى سەبەپتەرمەن اۋىسىپ كەتكەن. ايبەك ەڭسەحانوۆ, دوسجان كارتيكوۆ, اسەت مامبەتوۆ, ما­ريد مۋتاليموۆ, دارحان باياحمەتوۆ سەكىلدى جەر­لەستەرىمىز باسقا وبلىستاردىڭ نامىسىن قور­عاپ ءجۇر. تالانتتى سپورتشىلاردى كەرى قايتارىپ الىپ جاعدايلارىن جاقسارتۋعا تىرىسۋدامىز. ال ءبىزدىڭ وليمپيادا ءۇمىتىمىز ءۇش رەت قارعىپ سەكىرۋدەن الەم چەمپيونى ولگا رىپاكوۆادان, اۋىر اتلەتيكادا دميتري كاپليننەن, لوندوندا التىن القا كۇ­تە­مىز. باسقا ساڭلاقتار دا وعان ۇلەس قوسادى دەگەن ءۇمىت­تەمىز, – دەيدى وبلىستىق دەنە تاربيەسى جانە تۋريزم باسقارماسىنىڭ باستىعى مارات سۇلەيمەنوۆ. دىتتەگەن مەجەدەن شىقتىق دەپ ويلايمىز. ءۇمىت كۇتكەن جاستار سەنىمدى اقتادى. نۇرماحان تىناليەۆ ماسكەۋدە اتاقتى بالۋاندارمەن بىرگە لوندون وليم­پياداسىنا ارنايى جاتتىعۋدا. ولاردى بۇل جارىسقا قاتىستىرمادىق. كەلەر جىلى كوكتەمدە استانادا وتەتىن حالىقارالىق جارىستا تاعى 9 ليتسەنزيانى جەڭىپ الساق, ۇتارىمىز انىق, – دەيدى اتاقتى بالۋان داۋلەت تۇرلىقانوۆ. وڭداسىن ەلۋباي. سەمەي. –––––––––––– سۋرەتتە: ماراپاتتاۋ.