سەناتورلار اقكولدە بولدى

«اقكول» عارىش اپپاراتتارىن جەردەن باسقارۋ كەشەنى 2005 جىلدان بەرى جۇمىس ىستەيدى. تمد ەلدەرىندە تەڭدەسى جوق ور­تا­لىق ىسكە قوسىلعالى ۇلتتىق عارىش سالا­­سىن دامىتۋ, تىڭ جوبالاردى ەنگىزۋ باعى­تىن­دا كوپتەگەن جۇمىستار اتقا­رىل­دى. الايدا ءالى كۇنگە دەيىن ارنايى زاڭ­دار­دىڭ جوق­تىعى العا قويعان ماقساتتار مەن مىندەتتەردى كىدىرىسسىز جۇزەگە اسىرۋعا قول­باي­لاۋ بولىپ كەلەدى. «عارىش قىزمەتى تۋرا­­­­­لى» زاڭ جوباسىنىڭ پارلامەنت قا­را­ۋىنا ۇسى­نىلعانىنا ءۇش جىلدان اس­ىپتى. جۋ­ىردا زاڭ ماجىلىستە تالقىلا­نىپ, ءبىرىنشى وقىلىمدا ماقۇل­دا­نعان. ەندى سە­ناتتىڭ تالقىلاۋىنا ۇسى­نىلماق. پارلامەنت سە­نا­تىنىڭ ءبىر توپ دەپۋ­تات­تارى اتال­مىش عارىش ورتالى­عىن­دا بولىپ اق­پاراتتىق-تەحنيكالىق, كادرلىق قام­تى­لۋ جاع­دا­يى­مەن ەگجەي-تەگجەيلى تانىستى. مۇندا «عا­رىش» اگەنت­تىگىنىڭ توراعاسى تال­عات مۇسا­باەۆ, عارىش­تىق بايلانىس رەسپۋبلي­كا­لىق ورتالىعى­نىڭ پرەزيدەنتى ۆيكتور لەف­تەر عارىش سالاسىندا اتقا­رىلىپ جات­قان جۇ­مىستار تۋرالى جان-جاقتى ماع­­لۇ­مات بەردى. اگەنتتىك جەتەكشىسى بيىل جازدا Kaz­sat-2 سپۋتنيگىنىڭ ۇشىرىلعانىن, سىناق مەرزىمىنىڭ ويداعىداي ءوتىپ جاتقانىن, ەسەپتىك سىناقتار اياقتالعاننان كەيىن قا­زاقستاننىڭ مەنشىگىنە الىناتىنىن ايتا كەلىپ, جاڭا جوبانىڭ ەلىمىز ءۇشىن زور ما­ڭىزدىلىعىن اتاپ كورسەتتى. وپەراتور­لا­رى­مىز شەتەلدىك سپۋتنيكتىك قىزمەتتەرىن جال­داۋ ءۇشىن جىل سايىن ءۇش ميلليون دول­لار كولەمىندە شىعىندانادى ەكەن. ەندى مۇنداي پروبلەمالار ورىن المايدى. بۇ­دان بىلاي سپۋتنيكتىك جۇيە قازاقستاندى, ورتالىق ازيا ەلدەرىن, رەسەيدىڭ ورتالىق بولىگىن اقپاراتتارمەن قامتاماسىز ەتەتىن بولادى. ەلىمىزدىڭ شالعاي ەلدى مەكەندەرى دە سپۋتنيكتىك جۇيەنى پايدالانۋ ءمۇم­كىن­دىگىن يەلەنەدى. سەناتورلاردىڭ قاتىسۋىمەن وتكەن ءدوڭ­گەلەك ۇستەلدە كوپتەگەن ۇسىنىستار اي­تىل­دى. ت. مۇساباەۆ جينالعانداردىڭ نا­زا­­رىنا تاعى ءبىر جاڭالىقتى جەتكىزدى. ونىڭ اي­تۋى­نا قاراعاندا, Kazsat-3 سپۋتنيگىن رەسەيلىك جانە فرانتسۋزدىق كومپانيالار جا­ساۋدى قولعا الىپتى. جوبانىڭ قۇنى 180 ميلليون دوللاردى قۇرايدى. ول الدە­قاي­دا جەتىلدىرىلىپ, باتىستىق ۇلگىدە جاراق­تاندىرىلعان. ءومىر ەسقالي. اقمولا وبلىسى.