بەرلۋسكوني وتستاۆكاعا كەتپەكشى

يتاليا پرەمەر-ءمينيسترى سيلۆيو بەرلۋسكوني ەل پرەزيدەنتىمەن اڭگىمەلەسكەننەن كەيىن ءوزىنىڭ وتستاۆكاعا كەتۋ نيەتى بار ەكەنىن مالىمدەدى. بىراق ول ەل پارلامەنتى 2012 جىلعا ارنالعان ەكونو­ميكالىق رەفورمالار مەن بيۋدجەتتى بەكىتكەننەن كەيىن عانا كەتپەكشى. پارلامەنتتىك تىڭداۋلار مەن ەكى قۇجاتتى بەكىتۋ قاراشا ايىنىڭ اياعىندا ءوتۋى ءتيىس. بىراق ساياساتتانۋشىلار قازىرگىدەي جاعدايدا وپپوزيتسيانىڭ قۇجاتتاردىڭ قارالۋىن تەزدەتۋى مۇمكىن ەكەندىگىن اتاپ كورسەتۋدە. جاڭا ۇكىمەت قۇرامى مالىمدەلمەك گرەكيانىڭ پرەمەر-ءمينيسترى گەورگيوس پاپاندرەۋدىڭ كابينەتىن الماستى­راتىن كواليتسيالىق ۇكىمەتىنىڭ قۇرامى سارسەنبى كۇنى حابارلانادى. پرەمەر-مينيستر رەسپۋبليكا پرەزيدەنتىمەن كەزدەسۋ وتكىزەدى, ودان كەيىن پرەزيدەنت ساياسي پارتيالار باسشىلىعىمەن كەزدەسەدى. تەك سودان سوڭ عانا جاڭا ۇكىمەتتىڭ قۇرامى حابار­لانادى. پرەمەر ورىنتاعىنان ۇمىتكەرلەر ىشىندە قازىرگى پارلامەنت سپيكەرى فيليپپوس پەتسالنيكوس پەن ونىڭ الدىندا بولعان سپيكەر اپاستولوس كاكلامانيستىڭ ەسىمدەرى اتالۋدا. ورتاق كەلىسىمگە كەلە الماي وتىر بۇۇ قاۋىپسىزدىك كەڭەسى پالەستينانى ۇيىمعا قابىلداۋ ماسەلەسى بويىنشا ورتاق كەلىسىمگە كەلە الماي وتىر. ۇيىمنىڭ مالىمدەمەسىندە پالەستينا اۆتونومياسىن بۇۇ مۇشەسى رەتىندە تانۋ جونىندەگى ءوتىنىشتى قابىلداۋ تۋرا­لى پىكىردىڭ 15 مۇشە ەلدىڭ اراسىندا تۇرلىشە قابىلدانعانى اتاپ كورسەتىلگەن. ماسەلەن, اقش پەن ونىڭ وداقتاستارى اۆتونوميا ءتيىستى كريتەريلەرگە سايكەس كەلمەيدى دەسە, قاتا­رىندا رەسەي بار ونىڭ وپپونەنتتەرى پالەستينانى مۇشە­لىككە قابىلداۋ مۇمكىندىگىن تالاپ ەتۋدە. ءزىلزالا تاعى قايتالاندى تۇركيانىڭ شىعىسىنداعى ۆان پروۆين­تسياسىندا بولعان جەر سىلكىنىسى سالدارىنان 4 ادام زارداپ شەككەن. ءزىلزالا وشاعى تۇركياداعى ەڭ ءىرى ۆان وزەنى اۋدانىندا بولعان كورىنەدى. جەر استى دۇمپۋلەرىن ۆان جانە بيتليس پروۆينتسيا­لارىنىڭ تۇرعىندارى بىردەي سەزىنگەن. 5,6 باللدى قۇرايتىن جەر سىلكىنىسى سارسەنبىگە قاراعان ءتۇنى ورىن العان كورىنەدى. قۇتقارۋ قىزمەتى, پوليتسيا مەن مەديكتەر شۇعىل تۇردە ءزىلزالا بولعان اۋدان اۋماعىن باقىلاۋعا الدى. بيلىك تۇگەل جاڭارادى پولشادا جاڭا ۇكىمەت پەن زاڭ شىعارۋشى بيلىكتى قۇرۋ ۇدەرىسى باستالدى. ەلدىڭ پرەمەر-ءمينيسترى دونالد تۋسك پەن مينيسترلەر كابينەتىنىڭ مۇشەلەرى 8 قاراشادا ەل پرەزيدەنتى برونيسلاۆ كوموروۆسكيمەن كەزدەسكەن سوڭ, پرەزيدەنت ولاردىڭ وتستاۆ­كاسىن قابىلداعان. سونىمەن بىرگە, كوموروۆسكي تۋسككە 22 قاراشاعا دەيىن جاڭا ۇكىمەت قۇرۋدى تاپسىرعان. تۋسكتىڭ اي­تۋىنشا, جاڭا ۇكىمەت مۇمكىن بولعانىنشا تەز ارادا قۇرى­لاتىن بولادى. ال 8 قاراشادا 9 قازان كۇنى سايلانعان سەيمنىڭ العاشقى وتىرىسى ءوتتى. كەك قايتارۋ وپەراتسياسى ليۆيانى ازات ەتۋ ارمياسىنىڭ جاۋىنگەرلەرى «17 اقپان باتالونىنىڭ» ەميرى احمەد ءالمجيريدى تۇتقىنعا الدى. ول دارعا اسىلۋ ارقىلى ءولىم جازاسىنا كەسىلگەن بولاتىن. كەيبىر اقپاراتتارعا قا­راعاندا, المجيري پولكوۆنيك حاتيشتى ازاپ­تاپ ولتىرگەن. ۇكىم سيرت قالاسىنا كىرەبەرىستە جۇزەگە اسىرىلدى. ليۆيانى ازات ەتۋ ارمياسىنىڭ جاۋىنگەرلەرى تاياۋ ۋاقىتتاردا وزدەرىنىڭ اكەسى, كوشباسشىسى مۋامار كاددافي ءۇشىن كەك قايتارۋ وپەراتسياسىن جۇرگىزە­تىندىكتەرىن مالىمدەۋدە. ناتو مۇمكىندىكتەرى ۇلعايتىلماق  اقش پرەزيدەنتى باراك وباما مەن ناتو باس حاتشىسى اندەرس فوگ راسمۋسسەن اليانستىڭ اسكەري مۇمكىندىكتەرىن ۇلعايتۋ جونىنەن  ءىس-شارالار وتكىزۋ تۋرالى كەلىسىمگە كەلدى. ەكى ليدەردىڭ پىكىرىنشە, بلوكتىڭ الەۋەتى قازىرگى ۋاقىتتا ءححى عاسىر دايىنداعان قاۋىپسىزدىككە تونەتىن قاتەرلەرگە سايكەس كەلمەيدى. سول سياقتى ب.وباما مەن ا.ف.راسمۋسسەن ليۆياداعى جەتى ايعا سوزىلعان اسكەري وپەراتسيا قورىتىندىلارىن دا تالقىلاعان. سولتۇستىك افريكاداعى وپەراتسيانى اياقتاۋدىڭ سىرتىندا ب.وباما امەريكا اسكەريلەرىنىڭ اۋعانستاندا بولۋىن قىسقارتۋ تاقىرىبىن دا قوزعاعان كورىنەدى. تاعى ءبىر پارتيا دۇنيەگە كەلدى  وڭتۇستىك وسەتيا رەسپۋبليكاسىنىڭ «العا, وسەتيا!» قوعامدىق-ساياسي قوزعا­لى­سى «ءبىرتۇتاس الانيا» پارتياسى بو­لىپ قايتا قۇرىلماقشى. بۇل تۋرالى شەشىم ۆلاديكاۆكازدا وتكەن كونفەرەنتسيادا قابىلدانعان. ونىڭ جۇمى­سىنا وڭتۇستىك وسەتيانىڭ بارلىق اۋدان­دارىنىڭ وكىلدەرى, سول سياقتى رەسپۋبليكاداعى بىرقاتار پارتيا­لار مەن قوزعالىستاردىڭ دەلەگاتتارى, سولتۇستىكو­سەتيالىق پارلامەنت دەپۋتاتتارى, وڭتۇستىك جانە سولتۇستىك وسەتيانىڭ قوعام قايراتكەرلەرى قاتىسقان. كونفەرەنتسياعا قاتىسۋشىلار رەسپۋبليكا پرەزيدەنتى سايلاۋى قارساڭىندا ەلدە ورىن العان انتيدەموكراتيالىق ساياساتقا بايلانىستى اسا كۇردەلى احۋالدىڭ قالىپتاسىپ وتىرعانىن اتاپ كورسەتكەن. عارىش اپپاراتىنان اقاۋ شىقتى وتكەن 15 جىل ىشىندە العاش رەت كۇن جۇيەسى پلانەتالا­رىنا باعىتتالعان رەسەيلىك عارىش اپپاراتىنان اقاۋ شىقتى. 9 قاراشا كۇنى رەسەي مەن ۋكراينا بىرلەسىپ شىعارعان «زەنيت-2 Sب» زىمىران تاسىمالداعىشى بايقوڭىر عارىش ايلاعى­نان ۇشىپ شىققان بولاتىن. 688 سەكۋند ۇشۋدان سوڭ پلانە­تاارالىق  «فوبوس-گرۋنت» ستانساسى قوزعالتقىش بلوكپەن بىرگە زىمىران تاسىمالداعىشتىڭ ەكىنشى ساتىسىنان ءبولىنىپ, جەر توڭىرەگىندەگى تىرەك وربيتاسىنا شىققان ەدى. سودان بەرى اپپاراتپەن ەشقانداي بايلانىس بولماي وتىر. ينتەرنەت ماتەريالدارى نەگىزىندە ازىرلەندى.