«وسىدان 8 جىل بۇرىن ينتەرنەت جەلىسىنە قوسىلعان قۇرىلعىلاردىڭ سانى عالامتوردى پايدالانا الاتىن ادامداردىڭ سانىمەن تەڭ ەدى. فۋتۋرولوگتاردىڭ بولجاۋىنشا, 2030 جىلعا قاراي زاتتار ينتەرنەتىنىڭ ينفراقۇرىلىمى 1 ترلن-دى قۇراسا, ءموبيلدى قوسىمشانىڭ سانى 100 ملن-عا جەتۋى مۇمكىن. Mackenzie ساراپشىلارى زاتتار ينتەرنەتىنىڭ جالپىلاسۋى 2025 جىلعا قاراي جاھاندىق ەكونوميكاعا 11 ترلن. دوللار ۇلەس قوسادى دەپ وتىر. زاتتار ينتەرنەتىنە الەمنىڭ بارلىق ەلى ۇمتىلۋدا. اسىرەسە سينگاپۋر, قىتاي, دانيا, وڭتۇستىك كورەيا سياقتى مەملەكەتتەر بۇل باعىتتا وزگەلەرگە قاراعاندا وتە جىلدام ىلگەرىلەپ كەلەدى. ءبىز دە ولاردان قالىپ قويماۋىمىز كەرەك», دەگەن داۋرەن اباەۆ ەلىمىزدە ينفراقۇرىلىمدى, ادامي كاپيتالدى, مەملەكەتتىك قىزمەتتەردى دامىتۋ مەن يننوۆاتسيالىق ەكوجۇيەنى جانە ەكونوميكا سالاسىن تسيفرلاندىرۋدى كوزدەگەن «تسيفرلىق قازاقستان» مەملەكەتتىك باعدارلاسى سول ءۇشىن جۇزەگە اسىپ جاتقانىن جەتكىزدى.
كەشە عانا يندۋستريالاندىرۋ كۇنىندە مەملەكەت باسشىسى تسيفرلاندىرۋدىڭ ءمانىن, تيىمدىلىگىن جانە وعان جەتۋدىڭ جولدارىن ەڭ الدىمەن قوعام ءتۇسىنۋى كەرەك ەكەنىن اتاپ ءوتتى. اقپارات جانە كوممۋنيكاتسيالار ءمينيسترى وسى ماقساتقا جەتۋ ءۇشىن ەڭ جوعارى ساياسي دەڭگەيدە قازاقستاندى تسيرفرلاندىرۋعا نيەتتى بولعاندا عانا ەكونوميكاعا وراسان پايدا اكەلۋگە مۇمكىندىك بار ەكەنىن ايتتى.
ء «بىز «تسيفرلىق قازاقستان» مەملەكەتتىك باعدارلاماسى ارقىلى ايتارلىقتاي ەكونوميكالىق وسىمگە قول جەتكىزەمىز دەپ ۇمىتتەنەمىن. مەملەكەت باسشىسى وسى باعدارلاما ارقىلى ءبىزدىڭ الدىمىزعا كەلەشەگى زور ماقسات قويدى. مۇنىڭ بارلىعىنان بولەك ەكونوميكالىق تيىمدىلىك تە مىندەتتى تۇردە قاجەت. ءبىز سوعان ۇمتىلامىز», دەدى د.اباەۆ.
قر اقپارات جانە كوممۋنيكاتسيالار مينيسترلىگىنىڭ قولداۋىمەن «قازاقتەلەكوم» اكتسيونەرلىك قوعامى وتكىزگەن «IoT Forum Astana 2017» فورۋمىندا زاتتار ينتەرنەتىن (Internet of Things) ەنگىزۋدىڭ وزەكتى ماسەلەلەرى, ونى قازاقستاندىق جانە جاھاندىق اۋقىمدا قولدانۋ پەرسپەكتيۆالارى تالقىلانادى.
ايتا كەتەيىك, زاتتار ينتەرنەتى دەگەنىمىز اقپارات جيناۋعا جانە الماسۋعا مۇمكىندىك بەرەتىن ەلەكترونيكامەن, ارنايى باعدارلامامەن, سەنسورلارمەن جانە ينتەرنەتكە شىعۋ مۇمكىندىگىمەن جابدىقتالعان فيزيكالىق وبەكتىلەردىڭ جەلىسى. وعان ۇيالى تەلەفون, كوفەقايناتقىش, كىر جۋعىش ماشينا, كولىك, مۇزداتقىش سياقتى كوپتەگەن زاتتاردى جاتقىزۋعا بولادى.
مايگۇل سۇلتان,
«ەگەمەن قازاقستان»
