ساباقتىڭ ماقساتى: قازاقتىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ ءومىر جولى, تۋىپ - وسكەن, وقىپ ءبىلىم العان, قىزمەت ەتكەن جەرلەرى تۋرالى ماعلۇمات بەرۋ ارقىلى ەلباسىنداي وتانىن, حالقىن سۇيۋگە, ناعىز ازامات, شىنايى پاتريوت بولۋعا تاربيەلەۋ,ء تىل ۇيرەنۋشىلەردىڭ بويىندا ەلباسىنا دەگەن سۇيىسپەنشىلىك, قۇرمەت سەزىمىن قالىپتاستىرۋ بولدى.
1991 جىلى 1 - جەلتوقساندا رەسپۋبليكا جۇرتشىلىعى تۇڭعىش رەت نۇرسۇلتان ءابىش ۇلى نازارباەۆتى رەسپۋبليكامىزدىڭ پرەزيدەنتى ەتىپ سايلادى. اتالعان مەرزىمدەگى ەلباسىنىڭ ءومىرى مەن ەڭبەك جولدارىنا ساياحات جاساپ, قاتىسۋشىلارعا ۇلكەن ماعلۇمات بەرىلدى. سونىمەن قاتار, نۇرسۇلتان نازارباەۆتىڭ كىتاپ كورمەسى, ناقىل سوزدەرى, جانۇيالىق فوتوسۋرەتتەرى كورسەتىلدى.
كەزىندە ن.ءا. نازارباەۆ: «ەگەر كەلەشەكتە قولىمنان ءىس كەلەتىن ازامات بولا قالسام, قازاق دەگەن حالىقتى دۇنيەجۇزىنە تانىتىپ, تەرەزەسىن تەڭ ەتەر ەدىم»,- دەپ ارمانداعان بولاتىن. بۇگىندە اسقاق ارمانىن ورىندالدى. قازاقتى دۇنيە ءجۇزى تانىدى. ونىڭ كەڭ بايتاق دالاسىن, قازىناسى مول جەرىن, دارحان جاتقان بەيبىت ەلىن دۇنيەنىڭ ءتورت بۇرىشى بىلەدى. كەزىندە نازاردان تىس جاتقان, ماتەريكتىڭ ورتاسىنداعى ورتالىق ازياداعى قازاق ەلى دە سىرتقى ساياساتتا ءوز ورنىن ايقىنداپ, تورتكۇل دۇنيەمەن اينالاسى از عانا ۋاقىت ىشىندە بايلانىس ورناتتى. ال ەل ومىرىندەگى وسىنداي ماڭىزدى تاريحي كەزەڭدەردە مەملەكەت باسشىسى ن. نازارباەۆتىڭ قوسقان ۇلەسىنىڭ وراسان زور ەكەندىگى كەڭىنەن ايتىلدى.
ساباق سوڭىندا ەلباسىعا ارنالعان ولەڭ شۋماقتارى وقىلدى, دەپ حابارلادى رەداكتسيا تىلشىسىنە ماڭعىستاۋ وبلىسى ءىىد مەملەكەتتىك ءتىل جانە اقپارات ءبولىمى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
