بۇل تۋرالى بۇگىن ۋنيۆەرسيتەتتىڭ قامقورشىلار كەڭەسى مəجىلىسىندە ايتىلدى. جاڭا نىسان قۇرىلىسىنا جەر ءبولۋ مəسەلەسى وبلىستىق əكىمدىكتە قارالىپ جاتىر.
ستۋدەنتتەر قالاشىعى سپورتتىق, وقۋ-تەحنولوگيالىق, زەرتتەۋ زەرتحانالارىنان, تۇرعىن جايلاردان تۇرادى. كامپۋستا ستۋدەنتتەر كۇنى بويى وقىپ, تəجىريبە جيناقتاۋعا قاجەت جاعدايدىڭ ءبəرى جاسالادى. ستۋدەنتتەرگە قىزمەت كورسەتۋ ورتالىعى سالىنادى, ول ءبىر تەرەزە قاعيداسى بويىنشا جاستارعا قىزمەت تۇرلەرىن ۇسىنادى.
ايتا كەتەيىك, قازىر اتىراۋ مۇناي جəنە گاز ۋنيۆەرسيتەتىنە اتاۋ بەرۋ ءرəسىمى ءجۇرىپ جاتىر. جاڭا اتاققا ساي بولۋ ءۇشىن وقۋ ورنىنىڭ رەكتوراتى وقۋ كورپۋستارىن جاڭارتىپ, زامان تالابىنا ساي جابدىقتارمەن قامتىپ, عيماراتتار سالۋدى قولعا العان.
- ءبىز وقۋ ورنىمىزدىڭ ءبىلىمى رەسەيلىك گۋبكين اتىنداعى ۋنيۆەرسيتەتتەن كەم بولماعانىن قالايمىز. وسى ماقساتتا ەڭبەكتەنىپ جاتىرمىز. جاڭا ستۋدەنتتىك قالاشىق مۇناي-گاز سالاسىنداعى وتاندىق مامانداردى دايىنداۋ, وقىتۋ ىسىندە ساپانى ارتتىرادى دەگەن ويدامىز,-دەيدى ۋنيۆەرسيتەت رەكتورى Əلي Əبىشەۆ.
جوو قامقورشىلىق كەڭەسىنىڭ توراعاسى وبلىس əكىمى نۇرلان نوعاەۆ ستۋدەنتتىك قالاشىق سالۋ يدەياسىن قولدايتىنىن ايتىپ, جەر ءبولۋ جايى قارالىپ جاتقانىنان حاباردار ەتتى. اتىراۋ مۇناي جəنە گاز ۋنيۆەرسيتەتىندە ستۋدەنتتىك قالاشىق قۇرىلىسى الداعى جىلى باستالادى دەپ جوسپارلانۋدا. الدىن الا اقپارات بويىنشا, قالاشىق ماحامبەت اۋدانىنىڭ اۋماعىندا بوي كوتەرەتىن بولادى.
باقىتگۇل باباش,
"ەگەمەن قازاقستان"
