تۇتاس ءبىر جىلعا جۋىق ۋاقىتقا سوزىلعان ايشىقتى اكتسيا كەزىندە قايىرىمدىلىق شارالارى قوسا اتقارىلدى. بۇل كۇندەر اۋىل مەن قالا تۇرعىندارىنىڭ اراسىن, ءارى ولاردىڭ ءوزارا بايلانىستارى مەن قارىم-قاتىناستارىن ودان ءارى جاقىنداستىرا تۇسۋىمەن دە ەرەكشەلەنە الادى.
«ەل ءىشى – ونەر كەنىشى» دەمەي مە, وسى قاناتتى سوزدەردىڭ شىندىقپەن استاسىپ جاتقانى ەل ىشىندەگى دارىنداردىڭ ءوڭىر ورتالىعىندا اۋەلەتە سالعان اندەرى مەن كۇمبىرلەتە تارتقان كۇيلەرى جانە مىڭ بۇرالعان بيلەرى ارقىلى كەلىستى كورىنىسىن تاپتى. نەسىن ايتاسىز, كورگەن دە ارماندا, كورمەگەن دە ارماندا دەگەن كەمەل كەزەڭ بولدى مۇنىڭ ءوزى. مۇمكىندىكتەر مەن جەتىستىكتەر سارالانعان ساتتە قوبدا اۋدانىنىڭ مەرەيى ۇستەم ءتۇستى. اقتوبە وبلىسىنىڭ اكىمى بەردىبەك ساپارباەۆ «تۋعان جەرىم – نۇرلى ەلىم» اكتسياسىنىڭ قورىتىندىسىنا سايكەس ولارعا باس جۇلدەنى جانە 10 ميلليون تەڭگەنىڭ سەرتيفيكاتىن تابىس ەتتى.
تەمىر قۇسايىن,
«ەگەمەن قازاقستان»
اقتوبە
