اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتى «جەر قويناۋى جانە جەر قويناۋىن پايدالانۋ تۋرالى» كودەكسىنىڭ جوباسى جانە زاڭناماعا جەر قويناۋىن پايدالانۋ ماسەلەلەرى بويىنشا تۇزەتۋ ەنگىزەتىن زاڭ جوباسى بويىنشا باس كوميتەت بولىپ بەلگىلەندى.
كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە «قازاقستان رەسپۋبليكاسىنداعى باعالاۋ قىزمەتى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە باعالاۋ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى بويىنشا ۇسىنىستارىن جيناقتاپ, قورىتىندى ازىرلەۋ تاپسىرىلدى.
«مەملەكەتتىك اۋديت جانە قارجىلىق باقىلاۋ تۋرالى» زاڭ جوباسىنا تۇزەتۋلەر ەنگىزۋ بويىنشا قارجى جانە بيۋدجەت كوميتەتى باس كوميتەت بولىپ بەلگىلەندى.
بيۋرودا پالاتانىڭ 2017 جىلى 7 جەلتوقساندا وتەتىن كەزەكتى وتىرىسىنىڭ كۇن ءتارتىبى بويىنشا ۇسىنىستار دا ەنگىزىلدى جانە ساياسي-قوعامدىق جانە ەكونوميكالىق ماڭىزى زور زاڭ جوبالارى تالقىلاندى.
سەناتورلار قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكi اراسىنداعى (وڭتۇستىك-باتىس اۆتوموبيل جولدارىن دامىتۋ جوباسى: باتىس ەۋروپا – باتىس قىتاي حالىقارالىق ترانزيت ءدالىزى) قارىز تۋرالى كەلىسىم-حاتتى راتيفيكاتسيالاۋ تۋرالى زاڭ جوباسىن; تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمدى راتيفيكاتسيالاۋ تۋرالى زاڭ جوباسىن; زاڭناماعا قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋ ماسەلەلەرى بويىنشا تۇزەتۋلەر ەنگىزۋ تۋرالى زاڭ جوباسىن; «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىنىڭ جوباسىن; زاڭناماعا سالىق سالۋ ماسەلەلەرى بويىنشا تۇزەتۋلەر ەنگىزۋ تۋرالى زاڭىنىڭ جوباسىن قارايتىن بولدى.
