ەتنومادەني ورتالىقتار دا قاتىستىرىلادى

كەشە استانادا قازاقستان حالقى اسسامبلەياسىنىڭ الەۋمەتتىك جاۋاپكەرشىلىك فورۋمى بولىپ ءوتتى. فورۋم ارنايى ۇيىم­داس­تىرىلعان ءۇش سەكتسيالى كور­مە­نىڭ تۇساۋكەسەرىمەن اشىل­دى. وندا ەتنومادەني بىرلەس­تىكتەردىڭ بيزنەس, اۋىل شا­رۋا­شىلىعى, يندۋستريالىق-ين­نو­ۆاتسيالىق دامۋ سالا­لا­رىن­داعى باستامالارى جان-جاقتى كورسەتىلگەن. سونداي-اق, الەۋ­مەتتىك جاڭعىرتۋلارعا باعىت­تال­عان بىرقاتار جوبالار دا بار. اسىرەسە, كەلۋشىلەردى ەلى­مىزدىڭ ءار ايماعىنان كەلگەن قولونەر شەبەرلەرىنىڭ تۋىن­دى­لارى ءتانتى ەتتى. سونىمەن قاتار, كورمەدە استانا قالا­سى­نىڭ «ەحرو-2017» حالى­ق­ارا­لىق مامانداندىرىلعان كور­مە­سىن وتكىزۋ قۇقىعىن جەڭىپ الۋعا ءوتىنىمىن ناسيحاتتاۋ بوي­ىنشا اقپاراتتىق تاقتالار دا قويىلعان. اتالعان شارا ەلىمىز ءتاۋ­ەل­سىزدىگىنىڭ 20 جىلدىعى ايا­سىن­دا «سامۇرىق-قازىنا» ۇاق» اق جانە يندۋستريا جانە جاڭا تەحنولوگيالار مينيس­تر­لى­گىنىڭ قولداۋىمەن ءوتتى. ال فورۋمنىڭ ماقساتى – مەملەكەت باسشىسىنىڭ قا­زاقستان حالقى اسسامبلەيا­سى­نىڭ حVI جانە XVII سەس­سيا­لارىندا اسسام­بلەيانىڭ ەلىمىزدى ين­دۋس­تريالىق-يننوۆا­تسيالىق دام­ى­تۋ جانە الەۋ­مەتتىك جاڭعىرتۋ ۇدەرىسىندەگى ءرولىن كۇشەيتۋگە بايلانىستى بەرگەن تاپسىرما­لارىن جۇزەگە اسىرۋ. پلەنارلىق وتىرىستى ءجۇر­گىزگەن قحا توراعاسىنىڭ ورىنباسارى – حاتشىلىق مەڭ­گەرۋشىسى ەرالى توعجانوۆ ەلىمىزدەگى مادەني ورتا­لىق­تار­دىڭ ىشكى الەۋەتىن ەلىمىزدىڭ يندۋستريالىق-يننوۆاتسيالىق دامۋىنا ارالاستىرۋ ەكەندىگىن ەرەكشە اتاپ ءوتتى. قوي­ىل­عان يندۋستريالىق-يننوۆا­تسيا­لىق جوبالاردىڭ جالپى سانى 60 بولسا, وزدەرىنىڭ سالت-ءداس­تۇرىمەن استاسىپ جاتاتىن ەت­نوستاردىڭ 20 جوباسى كەلۋشىلەر نازارىنا ۇسىنىلدى. مى­سا­لى, تۇرىك مادەني ورتالى­عى­نىڭ الماتى وبلىسى, تالعار قالاسىندا قازاق-تۇرىك ليتسەيىن سالۋى ناقتى جۇزەگە اسى­رىلعان جوبالاردىڭ ءبىرى سا­نالادى. يندۋستريا جانە جاڭا تەحنولوگيالار ۆيتسە-ءمينيسترى نۇرلان ساۋرانباەۆ ءوز كەزەگىندە 2010-2014 جىلدارعا ار­نال­عان ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا بيزنەسكە مەملەكەتتىك قولداۋ شارالارىن جانە قابىلدانعان قۇجاتتار مەن باعدارلا­ما­لار­عا كەڭىنەن توقتالدى. وتاندىق تاۋار ەكسپورتتاۋشىلارعا شى­عىندارىن وتەۋ تەتىگى ەنگىزىلسە, تەك بىلتىردىڭ وزىندە بۇل سوما 41 ميلليون تەڭگەنى قۇ­را­عان. جالپى, مۇنداي قولداۋ ەلى­مىزدىڭ 1,5 مىڭعا تارتا ەكس­پورتتاۋشى كاسىپورىندارىن قامتۋى ءتيىس. «بيزنەستىڭ جول كارتاسى-2020» باعدارلاماسى بويىنشا قۇنى 194 ميلليارد تەڭگە بولاتىن 500-دەي جوبا بەكىتىلسە, كورمەگە قويىلعان جو­با­لاردىڭ ىشىندە دە وسى باع­دار­لاماعا لايىقتىلارى بار ەكەندىگىن ۆيتسە-مينيستر اتاي كەتتى. قىزمەت كورسەتۋ مەن تاۋ­ار­لاردى ساتىپ الۋدا قازاق­ستان­دىق ۇلەستى ارتتىرۋ باعى­تىن­دا 8,5 تريلليون تەڭگە كوز­دەل­گەن. بۇل جەر قويناۋىن پاي­دا­لانۋشىلار, ۇلتتىق حولدينگتەر مەن مەملەكەتتىك ورگان­دارعا قاتىستى. شامامەن ول 30 ميلليارد اقش دوللارى بولسا, وعان ۇزاق مەرزىمدى كەلىسىم-شارتتار جاساۋ قولعا ال­ىنىپتى. يندۋستريالاندىرۋ كارتاسى بويىنشا جالپى قۇ­نى 8,3 تريلليون تەڭگەلىك جوبالار جۇزەگە اسىرىلۋدا. تو­لىقتاي العاندا 2011 جىلدىڭ 9 ايى ىشىندە قۇنى 120 ميلليارد تەڭگەنىڭ 82 جوباسى ىسكە قوسىلعان. «سامۇرىق-قازىنا» ۇاق اق-تىڭ باسقارۋشى ديرەك­تو­رى ەرلان بايجانوۆ قازاقستان حالقىنىڭ بىرلىگى مەن قوعامىن ۇيىستىرۋعا ىقپال ەتەتىن اس­سامبلەيانىڭ باستامالارىنا ەرەكشە ماڭىز بەرىپ, اق بۇدان بىلاي دا قولداي بەرەرىنە سەندىردى. جالپى, تارتىلعان ين­ۆەستيتسيانىڭ 51 پايىزى نەمەسە 22 ميلليارد اقش دول­لا­رى «سامۇرىق-قازىنا» ۇاق» اق ۇلەسىنە تيەدى ەكەن. باسقارۋشى ديرەكتوردىڭ مالىمەتىنە قاراعاندا, كەلەسى جىلى يننوۆاتسيالىق جوبا­لارعا 40 ميلليارد تەڭگە با­عىتتالسا, 2015 جىلى 72 ميلليارد تەڭگە جۇمساۋ كوزدەلگەن. بۇگىنگى تاڭدا حولدينگ 19 جو­بانى تاڭداپ الىپ, قارجى­لان­دىرۋدى باستاپتى. بۇدان كەيىن فورۋم ايا­سىن­دا قازاقستان حالقى اس­سام­­بلەياسىنىڭ كاسىپكەرلەر قاۋ­­ىم­داستىعىنىڭ ءبىرىنشى جي­نالىسى ءوتتى. وندا قحا-نىڭ جاڭا قۇرىلىمداعى مۇشە­لىك, جۇمىس باسىمدىقتارى جانە باسقا دا ۇيىمداستىرۋشىلىق ماسەلەلەرى تالقىلاندى. فورۋمدا قازاق­ستان حالقى اسسامبلەياسى مەن يندۋستريا جانە جاڭا تەحنولوگيالار مينيسترلىگى ارا­سىن­داعى ىنتى­ماق­تاستىق تۋ­را­لى مەموران­دۋمعا قول قوي­ىلدى. اسقار تۇراپباي ۇلى. ------------------------------ سۋرەتتى تۇسىرگەن ورىنباي بالمۇرات.