ەلارالىق ىنتىماقتاستىقتىڭ كورىنىسى

كەشە سىرتقى ىستەر مينيسترلىگىندە اتالعان ۆە­دومستۆونىڭ رەسمي وكىلى, حالىقارالىق اقپارات كوميتەتى توراعاسىنىڭ ورىنباسارى التاي ابيبۋللاەۆتىڭ قا­تىسۋىمەن كەزەكتى اپتالىق بريفينگ ءوتتى. «بۇگىنگى ءداستۇرلى باس­پا­سوز ءماسليحاتىمىزدى 7 قا­را­شادا سانكت-پەتەربۋرگ قا­لاسىندا اشىلعان شانحاي ىنتىماقتاستىق ۇيىمىنا (شىۇ) مۇشە مەملەكەت­تەر­دىڭ ۇكىمەت باسشىلارى كە­ڭەسىنىڭ (شىۇ ۇبك) كەزەكتى وتىرىسىنان باستاۋدى ءجون سانادىم», دەپ باستاعان ا. ابيبۋللاەۆ بۇل وتىرىسقا قازاقستان رەسپۋبليكاسى پرە­­مەر-ءمينيسترى كارىم ءماسىموۆ قاتىسقانىن اتاپ ءوتتى. شانحاي ىنتىماق­تاس­تىق ۇيىمى ۇكىمەت باس­شى­لارى كەڭەسىنىڭ بارىسىندا الەمدەگى جانە ۇيىم كە­ڭىس­تىگىندەگى ەكونوميكالىق احۋال بويىنشا پىكىر الما­سى­لىپ, ۇيىمعا مۇشە مەملەكەتتەر اراسىندا ەكونو­مي­كا­لىق جانە گۋمانيتارلىق سالادا ىنتىماقتاستىق پەن ءوز­ارا ارەكەتتەسۋدى جاندان­دى­رۋدى ءارى قاراي دامىتۋ ءما­سەلەلەرى تالقىلانعان. بريفينگ بارىسىندا 7-11 قاراشا ارالىعىندا ەكسپو حالىقارالىق قورمەسىن 2017 جىلى استانادا وتكىزۋ ءۇشىن قازاقستاندىق ءوتىنىمدى تا­نىس­تىرۋ راسىمىمەن قا­زاق­ستان سىرتقى ىستەر مي­نيس­ترلىگىنىڭ جاۋاپتى حاتشىسى ءراپىل جوشىباەۆتىڭ وڭ­تۇس­تىك افريكا رەسپۋبليكاسىنا ساپارى وتەتىندىگى ايتىلدى. تۇساۋكەسەر شارا اتالمىش مەملەكەتتىڭ ءۇش قالاسىندا «قازاقستان تاۋەلسىزدىگىنىڭ 20 جىلدىعى مەن ەكى مەملەكەت اراسىنداعى قاتىناس­تار­دىڭ بولاشاعى» اتتى كونفەرەنتسيا اياسىندا ۇيىم­دا­س­تى­رىل­ماق. ساپار بارىسىندا مەملەكەت باسشىسىنىڭ وڭ­تۇستىك افريكا رەسپۋبلي­كا­سىنىڭ پرەزيدەنتىنە جول­داۋىن تاپ­سىرۋ ماقساتىمەن جانە قا­زاقستان مەن وڭ­تۇستىك افريكا رەسپۋب­لي­كا­سى ارا­سىن­دا­عى ىنتىماق­تاستىقتىڭ كو­كەي­كەستi ماسە­لەلەرىن تال­قىلاۋ ماقسا­تىندا وسى ەلدىڭ سىرتقى ىستەر مينيسترلىگىندە ءراپىل جوشىباەۆتىڭ كەزدەسۋى جوس­پارلانعان. رەسمي وكىلدىڭ حاباردار ەتۋىنشە, 10-11 قاراشا كۇن­دەرى ەقىۇ-نىڭ از ۇلتتار جونىندەگى جوعارعى كوميس­سارى كنۋت ۆوللەبەكتىڭ قا­زاقستانعا جۇمىس سا­پارى بولادى. ساپار بارى­سىندا مەيماننىڭ قر مەملەكەتتىك حاتشىسى قانات ساۋداباەۆپەن, سىرتقى ىستەر ءمينيسترى ەرجان قازىحانوۆپەن جانە باسقا دا مۇددەلى مينيسترلىكتەر مەن ۆەدوم­ستۆو­لار­دىڭ باسشىلارىمەن, قا­زاقستان حالقى اسسام­بلەيا­سىنىڭ جەتەكشىلەرىمەن كەزدەسۋلەرى جوسپارلانعان. سون­داي-اق, ءدال وسى كۇندەرى ۆەنادا «ءبىلىم باستامالارى جانە حاباردارلىلىقتى جو­عا­رىلاتۋ جونىندەگى باستامالار ارقىلى ناسىلشىلدىكتى, كسەنوفوبيانى جانە وشپەن­دىلىك سالدارىنان جاسالاتىن قىلمىستاردى بولدىرماۋ» تاقىرىبىنداعى ەقىۇ-نىڭ ادامي ولشەمى بويىنشا قو­سىمشا وتىرىسى وتكىزىلەدى. اتالعان شاراعا قازاقستان حالقى اسسامبلەياسىنىڭ, پار­لامەنت ءماجىلىسىنىڭ, باس پرو­كۋراتۋرانىڭ وكىلدەرى مەن ۆەناداعى حالىقارالىق ۇي­ىمدار جانىنداعى تۇراقتى وكىلدىكتىڭ ديپلوماتتارى قا­تى­سادى. «ەگەمەن-اقپارات».